ସତ୍ୟଶିଖା : ୧୮/୦୧/୨୦୨୫ : ଆମେ ସମସ୍ତେ ଖଜୁରୀ ଖାଆନ୍ତି । ବୋଧ ହୁଏ ଖୁବ୍ କମ୍ ଲୋକ ଥିବେ ଯେଉଁମାନେ ଖଜୁରୀ ଖାଉନଥିବେ କିମ୍ବା ଖାଇବାକୁ ସୁଯୋଗ ମିଳୁନଥିବ । କିନ୍ତୁ ଖଜୁରୀର ରହିଛି ଅନେକ ଉପାଦେୟତା । ଯାହା ଶରୀର ପାଇଁ ଖୁବ୍ ଆବଶ୍ୟକ । ଖଜୁରୀ ସାଧାରଣତଃ ଶୁଖିଲା ଫଳରେ ଗଣା ହୁଏ । ସହର ବାଜାରରେ ଯାହାକୁ ଆମେ ଡ୍ରାଏଫ୍ରୁଟ୍ସ କହିଥାଉ । ଶରୀର ପାଇଁ ଆଜିକାଲି ସମସ୍ତେ ଏବେ ଡ୍ରାଏଫ୍ରୁଟ୍ସ ଗ୍ରହଣ କରିଥାନ୍ତି । ନିଜ ଡାଏଟ୍ରେ ଡ୍ରାଏଫ୍ରୁଟ୍ସକୁ ଯୋଡ଼ିଥାନ୍ତି । ଆଉ ଏହି ଡ୍ରାଏଫ୍ରୁଟ୍ସର ଗୋଟିଏ ମୁଖ୍ୟ ଉପାଦାନ ହେଉଛି ଖଜୁରୀ ।
ସାଧାରଣତଃ ଡ୍ରାଏପ୍ରୁଟ୍ସ ଗୁଡ଼ିକରେ ଫାଇବର, ପ୍ରୋଟିନ୍, ଖଣିଜ ପଦାର୍ଥ ଏବଂ ଭିଟାମିନ ଭରପୁର ଥାଏ । ଖଜୁରୀରେ ମଧ୍ୟ ଠିକ୍ ସେହିଭଳି ଅନେକ ଭିଟାମିନ, ପ୍ରୋଟିନ ରହିଛି । ତେଣୁ ଜଣେ ମଣିଷ ନିଜକୁ ସୁସ୍ଥ ରଖିବା ପାଇଁ ନିଜ ଡାଏଟ୍ର ଖଜୁରୀକୁ ଯୋଡ଼ିପାରିବେ । କାରଣ ଖଜୁରୀ ଶରୀରକୁ ଅନେକ ଲାଭ ଦେଇଥାଏ। ତେବେ ବିଶେଷଜ୍ଞଙ୍କ କହିବାନୁଯାୟୀ ଖଜୁରୀରେ କ୍ୟାଲୋରି ଅଧିକ ଥାଏ । ତେଣୁ ଗୋଟିଏ ସମୟରେ ଅତ୍ୟଧିକ ଖଜୁରୀ ଖାଇବା ଉଚିତ୍ ନୁହେଁ। କିନ୍ତୁ ନିୟମିତ ଢ଼ଙ୍ଗରେ ଏହାକୁ ଆମେ ଖାଦ୍ୟ ଭାବେ ଗ୍ରହଣ କରିପାରିବା । କାରଣ ଖଜୁରୀ ସ୍ୱାସ୍ଥ୍ୟ ପାଇଁ ଏକ ସୁପରଫୁଡ୍ ବୋଲି କହିଲେ ଭୁଲ ହେବ ନାହିଁ ।
ତେବେ ପ୍ରତିଦିନ ଖଜୁରୀ ଖାଇଲେ ଏହା ସ୍ୱାସ୍ଥ୍ୟ ପାଇଁ କେତେ ଲାଭଦାୟକ ଆସନ୍ତୁ ଜାଣିବା ।
ହୃଦ୍ ସମସ୍ୟା ଦୂର ହୁଏ
ଖଜୁରୀ ଖାଇବା ହାର୍ଟ ପାଇଁ ବହୁତ ଲାଭଦାୟକ ହୁଏ। ଖଜୁରୀରେ ପ୍ରଚୁର ପରିମାଣର ଡାଏଟ୍ରି ଫାଇବର ଥାଏ ଏବଂ ଏହା ହାଇ-କୋଲେଷ୍ଟ୍ରଲ କିମ୍ବା ଖରାପ କୋଲେଷ୍ଟ୍ରଲକୁ ହ୍ରାସ କରିବାରେ ସହାୟକ ହୋଇଥାଏ। କୋଲେଷ୍ଟ୍ରଲ୍ ହ୍ରାସ ଯୋଗୁଁ, ହାର୍ଟ ଭଲ ରହିଥାଏ।
ପାଚନକ୍ରିୟା ସୁସ୍ଥ ରହେ
ଖଜୁରୀ ମଧ୍ୟ ହଜମ କ୍ରିୟାକୁ ଉନ୍ନତ କରିବାରେ ସାହାଯ୍ୟ କରେ। ଖଜୁରୀରେ ପ୍ରଚୁର ପରିମାଣରେ ଦ୍ରବଣୀୟ ଏବଂ ଅଦ୍ରବଣୀୟ ଫାଇବର ଥାଏ। ଏପରି ପରିସ୍ଥିତିରେ ଖଜୁରୀ ଖାଇବା ଦ୍ୱାରା ପାଚନକ୍ରିୟା ସୁସ୍ଥ ରହିଥାଏ। ଖଜୁରୀ ଖାଇବା ଦ୍ୱାରା କୋଷ୍ଠକାଠିନ୍ୟ ସମସ୍ୟା ମଧ୍ୟ ଦୂର ହୁଏ।
ଭଲ ବ୍ୟାକ୍ଟେରିଆ ବୃଦ୍ଧି କରେ
ପେଟର ଅନ୍ତନଳୀରେ ଭଲ ବ୍ୟାକ୍ଟେରିଆ ବୃଦ୍ଧି କରିବାରେ ପ୍ରଭାବଶାଳୀ ହୋଇଥାଏ ଖଜୁରୀ । ଖଜୁରୀ ପେଟକୁ ଆମିନୋ ଏସିଡ୍, ନିକୋଟିନ୍ ଏବଂ ଡାଏଟ୍ରି ଫାଇବର ଯୋଗାଇଥାଏ। ଏହା ପେଟର ଖରାପ ବ୍ୟାକ୍ଟେରିଆକୁ ଦୁରେଇ ରଖେ ଏବଂ ପାଚନ ତନ୍ତ୍ରରେ ପେଟକୁ ଭଲ ବ୍ୟାକ୍ଟେରିଆକୁ ଲାଭ ଦିଏ।
ସ୍ନାୟୁତନ୍ତ୍ର ପାଇଁ ଲାଭ
ଖଜୁରୀରେ ପ୍ରଚୁର ପରିମାଣରେ ପୋଟାସିୟମ ରହିଥାଏ। ଖଜୁରୀ ଖାଇବା ଦ୍ୱାରା ହୃଦସ୍ପନ୍ଦନ ସ୍ୱାଭାବିକ ରହିଥାଏ, ଶ୍ୱାସକ୍ରିୟା ଠିକ୍ ରହିଥାଏ ଏବଂ ସ୍ନାୟୁ ପ୍ରଣାଳୀ ମାଂସପେଶୀର କାର୍ଯ୍ୟକୁ ମଧ୍ୟ ଭଲ ରଖେ।
ମେଟାବୋଲିଜିମ୍ ବୃଦ୍ଧି
ଖଜୁରୀରେ ଥିବା ଫୋଲେଟ୍ ଏବଂ ନିଆସିନ୍ ଭଳି ବି ଭିଟାମିନ୍ ମେଟାବୋଲିଜିମ୍ ଭଲ ରଖେ। ଯଦି ମେଟାବୋଲିଜିମ୍ ସୁସ୍ଥ ରହେ ତେବେ ଏହା ଓଜନ ପରିଚାଳନାରେ ମଧ୍ୟ ସାହାଯ୍ୟ କରେ।
ହାଡ଼ ମଜବୁତ କରାଏ
ଖଜୁରୀ ହେଉଛି ପୁଷ୍ଟିର ଭଣ୍ଡାର। ଏଥିରେ ଅନେକ ପ୍ରକାରର ଖଣିଜ ପଦାର୍ଥ ବିଶେଷ ଭାବରେ ମିଳିଥାଏ ଯାହା ହାଡ଼କୁ ମଜବୁତ କରିବା ପାଇଁ କାମ କରେ। ଏପରି ପରିସ୍ଥିତିରେ ଶକ୍ତ ହାଡ଼ ପାଇବା ପାଇଁ ଖଜୁରୀ ଖାଇପାରିବେ। ଖଜୁରୀରେ ମାଙ୍ଗାନିଜ୍, ତମ୍ବା ଏବଂ ସେଲେନିୟମ୍ ଭଳି ଖଣିଜ ପଦାର୍ଥ ମିଳିଥାଏ।
ଦାନ୍ତ ମଜବୁତ କରାଏ
ଖଜୁରୀ ଖାଇବା ମଧ୍ୟ ଦାନ୍ତ ପାଇଁ ବହୁତ ଲାଭଦାୟକ। ଖଜୁରୀ ଖାଇବା ଦ୍ୱାରା ଦାନ୍ତର ଏନାମେଲ୍ ମଜବୁତ ହୁଏ। ଏହା ଅକାଳ କ୍ଷୟ ଏବଂ ଦାନ୍ତ ଭାଙ୍ଗିର ସମ୍ଭାବନାକୁ ମଧ୍ୟ ହ୍ରାସ କରେ।
-
-
-
-
-
-
-
-
-
-
