ସତ୍ୟଶିଖା : ଏପରି ବିପତ୍ତି ସମୟରେ ପୁଣି ପ୍ରବାସୀ ଓଡ଼ିଆ ଗୁଜୁରାଟ ମୁହାଁ । ଯେଉଁ କମ୍ପାନୀରେ ସେମାନେ କାମ କରୁଥିଲେ ସେହି କମ୍ପାନୀର ମାଲିକମାନେ ଓଡିଶା ଆସି ବସ ଭଡା କରି ଏହି ଶ୍ରମିକମାନଙ୍କୁ ଗୁଜରାଟ ନେଉଥିବାର ଦୃଶ୍ୟ ଦେଖିବାକୁ ମିଳିଛି । ବିନା ଶ୍ରମିକରେ ଗୁଜରାଟରେ କଳ କାରଖାନା ବନ୍ଦ ପଡିଛି । ତେଣୁ ବାଧ୍ୟ ହୋଇ ମାଲିକମାନେ ଏହି ଶ୍ରମିକମାନଙ୍କୁ ଗୁଜରାଟକୁ ଫେରାଇ ନେଉଛନ୍ତି । ଶ୍ରମିକଙ୍କ କହିବା କଥା ହେଲା ୩ରୁ୪ମାସର ଲକଡାଉନ ଭିତରେ ରୋଜଗାର ବନ୍ଦ ହୋଇଛି ।
ପରିବାର କେମିତି ଚଳିବ ଏବେ ସେହି ଚିନ୍ତା ଘାରିଛି । ଆର୍ଥିକ ସାହାଯ୍ୟ କରିବାକୁ ମାଲିକମାନେ ପ୍ରତିଶ୍ରୁତି ଦେଇଥିବାରୁ ସେହି ଭରସାରେ ଏହି ଶ୍ରମିକମାନେ ବସରେ ଗୁଜରାଟ ବାହାରିଛନ୍ତି ଅନ୍ୟପକ୍ଷରେ ଓଡିଶା ଆସିଥିବା କମ୍ପାନୀର ମାଲିକ କହିଛନ୍ତି, ଏହି ଶ୍ରମିକମାନଙ୍କୁ ନେଇ ପ୍ରଥମେ ସ୍ୱାସ୍ଥ୍ୟ ପରୀକ୍ଷା କରାଯିବ । କୋଭିଡ ନିୟମ ଅନୁସାରେ ସେମାନେ କମ୍ପାନିରେ କାମ କରିବେ । ଏହି ଶ୍ରମିକମାନଙ୍କୁ ସମସ୍ତ ପ୍ରକାର ଆର୍ଥିକ ସହଯୋଗ ମିଳିବ ।
