ସତ୍ୟଶିଖା ( ସମ୍ୱଲପୁର ) ୨୭.୦୮.୨୦୨୦ : ୧୨ଟି ଗେଟ ଯୋଗେ ହୀରାକୁଦ ଜଳଭଣ୍ଡାର ଜଳ ନିଷ୍କାସିତ ହେଉଛି । ଜଳଭଣ୍ଡାର ଉପର ମୁଣ୍ଡାରେ ଅଧିକ ପରିମାଣ ବର୍ଷା ଯୋଗୁ ହୀରକୁଦ ଜଳସ୍ତର ବୃଦ୍ଧି ପାଉଛି । ପୂର୍ବରୁ ୧୦ଟି ଗେଟ ଖୋଲା ଥିବାବେଳେ ଆଜି ସକାଳେ ପୁଣି ୨ଟି ଗେଟ ଖୋଲିଛି । ତେବେ ଜଳଭଣ୍ଡାରକୁ ସେକେଣ୍ଡ ପ୍ରତି ୩ ଲକ୍ଷ ୬୩ ହଜାର ୪୭୧ କ୍ୟୁସେକ ଜଳ ପ୍ରବେଶ କରୁଛି । ସେହିପରି ମୋଟ ୧୨ଟି ଗେଟ ଦେଇ ସେକେଣ୍ଡ ପ୍ରତି ୧ ଲକ୍ଷରୁ ଜଳ ନିଷ୍କାସିତ ହେଉଛି । ବର୍ତ୍ତମାନ ଜଳଭଣ୍ଡାର ଜଳସ୍ତର ୬୨୦.୦୦ ଫୁଟ ରହିଥିବାବେଳେ ପୁଣି ଜଳସ୍ତର ବୃଦ୍ଧି ପାଇଲେ ଆହୁରି ଗେଟ ଖୋଲାଯିବ ବୋଲି ଡ୍ୟାମ କର୍ତ୍ତୃପକ୍ଷ ସୂଚନା ଦେଇଛନ୍ତି । ସୂଚନାନୁସାରେ, ରାଜ୍ୟରେ ଲଘୁଚାପ ଜନିତ ବର୍ଷା ଜାରି ରହିଛି । ଯାହାର ପ୍ରଭାବରେ ଜନଜୀବନ ଅସ୍ତବ୍ୟସ୍ତ ହୋଇପଡୁଛି ।
ସମ୍ବନ୍ଧିତ ଖବର
-
-
-
-
-
-
-
-
-
-
