ସତ୍ୟଶିଖା(ନୂଆଦିଲ୍ଲୀ) ୦ ୯.୦୭.୨୦୨୧: ଗବେଷକମାନେ ସାଂଘାତିକ ତଥ୍ୟ ପ୍ରଦାନ କରିଛନ୍ତି । ଅତ୍ୟଧିକ ଗରମ ଓ ଥଣ୍ଡା ଯୋଗୁଁ ମୃତୁ୍ୟ ସଂଖ୍ୟା ବଢ଼ୁଛି । ଏମିତିକି ଭାରତରେ ଅଧିକ ଥଣ୍ଡା ଓ ଗରମ ପାଇଁ ବର୍ଷକୁ ୭ ଲକ୍ଷ ୪୦ ହଜାର ଲୋକଙ୍କର ମୃତୁ୍ୟ ଘଟୁଛି ବୋଲି ଅନ୍ତର୍ଜାତୀୟ ଗବେଷକମାନେ ମତ ପ୍ରକାଶ କରିଛନ୍ତି । ଯେତେବେଳେକି ବିଶ୍ୱରେ ଏଭଳି ମୃତୁ୍ୟ ସଂଖ୍ୟା ୫୦ ଲକ୍ଷରୁ ଉଦ୍ଧ୍ୱର୍ ବୋଲି ଆକଳନ କରାଯାଇଛି ।
୨୦୦୦ରୁ ୨୦୧୯ ମଧ୍ୟରେ ବିଶ୍ୱର ସମସ୍ତ ଅଂଚଳରେ ତାପମାତ୍ରା ବୃଦ୍ଧି ପାଉଥିବାରୁ ମୃତୁ୍ୟ ସଂଖ୍ୟା ବୃଦ୍ଧି ପାଉଛି । ଏବେଠାରୁ ଏନେଇ ବିଶ୍ୱବାସୀ ଯନôବାନ ନହେଲେ ଆଗକୁ ଏହା ଭୟାବହ ରୂପ ଧାରଣ କରିବ ବୋଲି ଆକଳନ କରାଯାଉଛି । ଗବେଷକଙ୍କ ଅନୁଧ୍ୟାନ ଅନୁଯାୟୀ, ଶୀତ ଦିନେ ଅସ୍ୱାଭାବିକ ଭାବେ ତାପମାତ୍ରା ହ୍ରାସ ପାଉଥିବାରୁ ଭାରତରେ ବର୍ଷକୁ ୬ ଲକ୍ଷ ୫୫ ହଜାର ଲୋକ ମୃତୁ୍ୟବରଣ କରୁଥିବାବେଳେ ଖରାଦିନେ ତାପମାତ୍ରା ଅସ୍ୱାଭାବିକ ଭାବେ ବଢ଼ୁଥିବାରୁ ବାର୍ଷିକ ୮୩ ହଜାରରୁ ଉଦ୍ଧ୍ୱର୍ ଲୋକ ମୃତୁ୍ୟ ମୁଖରେ ପଡୁଛନ୍ତି ।
ଗତ ଦୁଇ ଦଶନ୍ଧିର ତାପମାତ୍ରାକୁ ଆକଳନ କଲେ ପ୍ରତି ଦଶନ୍ଧିରେ ତାପମାତ୍ରା ପ୍ରାୟ ୦.୨୬ ଡିଗ୍ରୀ ବୃଦ୍ଧି ପାଉଛି । ସାରା ବିଶ୍ୱରେ ବିଭିନ୍ନ କାରଣରୁ ଯଦି ଲକ୍ଷେ ଲୋକ ମୃତୁ୍ୟବରଣ କରୁଥା’ନ୍ତି ତାହାର ୧୦% ମୃତୁ୍ୟ କେବଳ ଜଳବାୟୂ ପରିବର୍ତନ ଜନିତ ବୋଲି ତଥ୍ୟ ମିଳିଛି ।
