ସତ୍ୟଶିଖା (ଭୁବନେଶ୍ୱର) ୦୯/୦୨/୨୦୨୧ : ଓଡିଆ ଧାବିକା ଦୂତୀ ଚାନ୍ଦ ବିବିସି ଇଣ୍ଡିଆନ ସ୍ପୋର୍ଟ୍ସଓ୍ବିମେନ୍ ଅଫ୍ ଦି ଇୟର ଆଓ୍ବାର୍ଡ ପାଇଁ ମନୋନୀତ ହୋଇଛନ୍ତି । ଏହି ଆଓ୍ବାର୍ଡ ପାଇଁ ୫ ଜଣ ଖେଳାଳି ମନୋନୀତ ହୋଇଛନ୍ତି । ସେମାନେ ହେଲେ ଓଡିଶାର ଦୂତୀ ଚାନ୍ଦ, ସୁଟର୍ ମନୁ ଭାକର, ହକି ଖେଳାଳି ରାନୀ ରାମପାଲ, ରେସଲର ଭିନେଶ ଫୋଗାଟ୍ ଓ ଚେସ୍ ଖେଳାଳି କେନେରୁ ହମ୍ପି । ଫେବୃଆରୀ ମାସ ୨୪ ତାରିଖ ରାତି ୧୧ଟା ୩୦ମିନିଟ୍ ପର୍ଯ୍ୟନ୍ତ ଭୋଟିଂ ଚାଲିବ । ଭୋଟିଂ ଆଧାରରେ ମାର୍ଚ୍ଚ ୮ ତାରିଖରେ ଆଓ୍ବାର୍ଡ ଘୋଷଣା କରାଯିବ । ବିବିସି ଇଣ୍ଡିଆନ ସ୍ପୋର୍ଟ୍ସଓ୍ବିମେନ୍ ଅଫ୍ ଦି ଇୟର ଆଓ୍ବାର୍ଡ ପାଇଁ ମନୋନୀତ ହୋଇଥିବାରୁ ଧାବିକା ଦୂତୀ ଚାନ୍ଦଙ୍କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶୁଭେଚ୍ଛା ଜଣାଇଛନ୍ତି । ଏନେଇ ମୁଖ୍ୟମନ୍ତ୍ରୀ ଟ୍ବିଟ୍ କରିଛନ୍ତି । ପ୍ରେରଣାର ଉତ୍ସ ହୋଇ ରହିବାକୁ ମୁଖ୍ୟମନ୍ତ୍ରୀ ଆଶା ବ୍ୟକ୍ତ କରିଛନ୍ତି ।
