ସତ୍ୟଶିଖା(ଭୁବନେଶ୍ୱର ) ୧୩.୦୮ .୨୦୨୧:
ଆଜିକାଲି ଅଧିକାଂଶ ଯୁବତୀ ଓ ମହିଳା ମାନେ ତ୍ବଚାକୁ ଅଧିକ ସୁନ୍ଦର କରିବା ପାଇଁ କିଏ ତେକେ କ’ଣ ଉପାୟ ଆପଣାଉଛନ୍ତି । ଏମିତି ବି ଅନେକ ଅଛନ୍ତି, ଯେଉଁମାନେ ଘରେ ହେଉ ବା ପାର୍ଲରରେ, ବାରମ୍ବାର ଫେସିଆଲ କରାଇ ଥାଆନ୍ତି । ହେଲେ ଆପଣ ମାନେ ଜାଣନ୍ତି କି , ବାରମ୍ବାର ଫେସିଆଲ କରିବା ଦ୍ବାରା, ଏହା ତ୍ବଚାକୁ ଖରାପ କରିବା ସହ, କ୍ଷତି ପହଞ୍ଚାଇଥାଏ । ଆସନ୍ତୁ ଜାଣିବା ସେ ସମ୍ପର୍କରେ ।
-ତ୍ବଚାରେ ଫେସିଆଲ କରିବା ସମୟରେ, ଏହାକୁ ପର୍ଯ୍ୟାୟ କ୍ରମେ କରାଯାଇଥାଏ । ଫେସିଆଲ ସମୟରେ ଫେସ ସ୍କ୍ରବ ମଧ୍ୟ କରାଯାଇଥାଏ । ବାରମ୍ବାର ଏହା କରିବା ଦ୍ବାରା, ତ୍ବଚା କୁଣ୍ଡେଇ ହେବା ସହିତ, ଲାଲ୍ ପଡିବା ସମସ୍ୟା ଦେଖା ଦେଇଥାଏ ।
-ଫେସିଆଲ ସମୟରେ ବ୍ୟବହାର କରାଯାଉଥିବା କ୍ରୀମ୍ ସମସ୍ତଙ୍କ ତ୍ବଚାକୁ ସୁଟ କରି ନଥାଏ । ଯାହା ଫଳରେ ତ୍ବଚାରେ ଇନଫେକ୍ସନ ହେବା ଭଳି ସମସ୍ୟା ମଧ୍ୟ ଦେଖା ଯାଇଥାଏ ।
-ଅନେକଙ୍କ କ୍ଷେତ୍ରରେ ତ୍ବଚାରେ ଆଲର୍ଜି ହେବାର ଆଶଙ୍କା ମଧ୍ୟ ରହିଥାଏ ।
-ବାରମ୍ବାର ଫେସିଆଲ କରିବା ଦ୍ବାରା, ତ୍ବଚା ପତଳା ମଧ୍ୟ ହୋଇଥାଏ ।
ତେଣୁ ସବୁବେଳେ ନିଜ ତ୍ବଚା ପ୍ରତି ବିଶେଷ ଧ୍ୟାନ ଦେବା ଜରୁରୀ । ଆବଶ୍ୟକତା ଠାରୁ ଅଧିକ ଥର ଫେସିଆଲ କରିବା ଅନୁଚିତ । ନଚେତ ଏହାର କୁ-ପ୍ରଭାବ ତ୍ବଚା ଉପରେ ପଡିଥାଏ ।
