ସତ୍ୟଶିଖା (ଭୁବନେଶ୍ୱର ) ୨୩.୦୨.୨୦୨୩ : ଆବଶ୍ୟକ ସାମଗ୍ରୀ- ଟମାଟୋ, ନଡିଆ କୋରା, ତେଲ ,ଲୁଣ, ଜିରା, ଫୁଟଣ, ଶୁଖିଲା ଲଙ୍କା, ରସୁଣ, ସୋରିଷ ବଟା, ହଳଦୀ ପାଉଡର, ଲଙ୍କା ପାଉଡର, ଧନିଆ ପାଉଡର, ଭ୍ରୁସଙ୍ଗ ପତ୍ର, ତେନ୍ତୁଳୀ ପାଣି ।
ପ୍ରସ୍ତୁତି ପ୍ରଣାଳୀ- ପ୍ରଥମେ ନଡିଆକୁ କୋରି ରଖିବେ । ଏହାପରେ ଟମାଟୋକୁ କାଟି ରଖିବେ । ତାପରେ ସୋରିଷକୁ ବାଟି ରଖିବେ । ଏହାପରେ ଗ୍ୟାସରେ କଡେଇ ବସେଇ ବସେଇ ଅଳ୍ପ ତେଲ ପକାଇବେ । ତେଲ ଗରମ ହେବାପରେ ସେଥିରେ କଟା ଟମାଟୋ ପକାଇ, ଅଳ୍ପ ଭାଜି ଏକ ପ୍ଲେଟକୁ କାଢି ରଖିବେ । ତାପରେ ପୁଣି ଗ୍ୟାସରେ କଡେଇ ବସେଇ ତେଲ ପକାଇବେ । ତେଲ ଗରମ ହେବା ପରେ ସେଥିରେ ଜିରା, ଫୁଟଣ, ଭ୍ରୁସଙ୍ଗ ପତ୍ର, ଶୁଖିଲା ଲଙ୍କା ପକାଇ ଫୁଟାଇବେ । ଏହାପରେ ସେଥିରେ ରସୁଣ ବଟା ,ସୋରିଷ ବଟା ପକାଇ ମିକ୍ସ କରିବେ ।
ତାପରେ ସେଥିରେ ହଳଦୀ ପାଉଡର, ଲଙ୍କା ପାଉଡର, ଧନିଆ ପାଉଡର, ଲୁଣ ଏବଂ ଅଳ୍ପ ତେନ୍ତୁଳୀ ପାଣି ପକାଇ ମିକ୍ସ କରିବେ । ଏହାପରେ ସେଥିରେ ଭଜା ଟମାଟୋ ଏବଂ ନଡିଆ କୋରା ପକାଇ ଗୋଳାଇବେ । ଅଳ୍ପ ସମୟ ଏହା ଫୁଟିବା ପରେ, ଗ୍ୟାସ୍ ବନ୍ଦ କରିବେ । ପ୍ରସ୍ତୁତ ହୋଇଗଲା ଟମାଟୋ-ନଡିଆ ବେସର । ଏବେ ଏହାର ମଜା ନେଇ ପାରିବେ ।
