ସତ୍ୟଶିଖା (ଭୁବନେଶ୍ୱର ) ୦୫.୧୨.୨୦୨୨ : ପ୍ରତି ଘରେ ଘରେ ଏବେ ମଧୁମେୟ ରୋଗୀ । ବଜାରରେ ଏହାର ଔଷଧ ମଧ୍ୟ ଉପଲ୍ବଧ। ତେଣୁ କିଛି ଅସୁବିଧା ନାହିଁ । ମାସକୁ ପକେଟରୁ କିଛି ଟଙ୍କା ଏ ବାବଦରେ ଖର୍ଚ୍ଚ କରୁଛନ୍ତି । ତେବେ ଅସୁବିଧାର ବିଷୟ ମଧୁମେୟ ରୋଗୀଙ୍କୁ ଅନ୍ୟ ମାରାତ୍ମକ ରୋଗ ହେବାର ସମ୍ଭାବନା ଅଧିକ ଥାଏ । ସବୁଠାରୁ ଭୟଙ୍କର କଥା ପ୍ରତି ୩ ଜଣ ମଧୁମେୟ ରୋଗୀଙ୍କ ମଧ୍ୟରୁ ଜଣେ କିଡନୀ ରୋଗରେ ପୀଡିତ ହେଉଛନ୍ତି ।
ଏହାର କାରଣ ମଧୁମେୟ ରୋଗୀଙ୍କ ରକ୍ତରେ ଶର୍କରାର ପରିମାଣ ଅଧିକ ଥାଏ । ଫଳରେ କିଡନୀର ରକ୍ତ କୋଷ ନଷ୍ଟ ହୋଇଯାଏ । ଏ କଥା ଶୁଣି ଡରି ଯାଅନ୍ତୁ ନାହିଁ ବଂର ଯତ୍ନବାନ ହୁଅନ୍ତୁ । ଆପଣ ଭାବୁଥିବେ ମଧୁମେୟ ରୋଗ ସମୂଳେ ବିନାଶ ତ ହେବ ନାହିଁ । ତେବେ ମନେ ରଖନ୍ତୁ ଏହାକୁ ଆୟତ ନିଶ୍ଚିତ କରି ହେବ । ସେଥିପାଇଁ ଔଷଧ ତ ଖାଉଛନ୍ତି । କେବଳ ଏତିକି ଯଥେଷ୍ଟ ନୁହେଁ । ଆପଣଙ୍କୁ ସଚେତନ ହେବାକୁ ପଡିବ ।
ମଧୁମେୟ ରୋଗୀଙ୍କ ରକ୍ତରେ ଶର୍କରାର ପରିମାଣକୁ ନିୟନ୍ତ୍ରଣରେ ରଖିବାକୁ ହେବ । ସମୟ ଅନୁସାରେ ଔଷଧ ଖାଇବାକୁ ପଡିବ । ମଧୁମେୟ ରୋଗୀଙ୍କ କ୍ଷେତ୍ରରେ ଉଚ୍ଚ ରକ୍ତ ଚାପର ଆଶଙ୍କା ଥାଏ । ଏଥିପ୍ରତି ବିଶେଷ ଧ୍ୟାନ ଦିଅନ୍ତୁ । ତମାଖୁ ସେବନରୁ ମଧୁମେୟ ରୋଗୀଙ୍କୁ ନିବୃତ୍ତ କରିବାକୁ ପଡିବ ।
ଏହା ସହ ଲୁଣ କମ ଖାଇବାକୁ ପଡିବ । ସାଧାରଣତ ମଧୁମେୟ ରୋଗୀଙ୍କ ଓଜନ ଅସମ୍ଭାବିକ ଭାଵରେ ବଢିଥାଏ । ତେଣୁ ନିୟମିତ ବ୍ୟୟାମ କରିବାକୁ ପଡିବ । ମଧୁମେୟ ରୋଗୀଙ୍କୁ କିଡନୀ ରୋଗର ହେବାର ମୁଖ୍ୟ କାରଣ ଅସନ୍ତୁଳିତ ଜୀବନଶୈଳୀ । ତେଣୁ ଠିକ୍ ସମୟରେ ଖାଦ୍ୟ ଗ୍ରହଣ , ସଠିକ୍ ପରିମାଣରେ ଶୋଇବା ଏବଂ ଡାକ୍ତରଙ୍କ ପରାମର୍ଶରେ ରହିଲେ ଏଥିରୁ ମୁକୁଲିବା ସମ୍ଭବ ।
