ସତ୍ୟଶିଖା (ଭୁବନେଶ୍ୱର) ୧୨/୧୧/୨୦୨୦ : କାର୍ତ୍ତିକ ମାସ କୃଷ୍ଣ ପକ୍ଷ ତ୍ରୟୋଦଶୀ ତିଥିରେ ଧନତେରସ ପାଳନ କରାଯାଏ । ଧନତେରସ ଦୀପାବଳି ପୂର୍ବରୁ ଆସେ । ଏଥର ଧନତେରସ ନଭେମ୍ବର ୧୩ ତାରିଖରେ ପାଳନ କରାଯିବ । ଧନତେରସରେ କିଣାକିଣିର ବିଶେଷ ମହତ୍ତ୍ୱ ରହିଛି । ଧନତେରସ ଦିନ ସୁନା ରୁପା ଓ ଅନ୍ୟାନ୍ୟ ଜିନିଷ କିଣିବାର ପରମ୍ପରା ରହିଛି । ଏହି ଦିନ ଭଗବାନ ଧନ୍ଵନ୍ତରୀ, ମାତା ଲକ୍ଷ୍ମୀ ଓ ଧନର ଦେବତା କୁବେରଙ୍କୁ ପୂଜା କରାଯାଇଥାଏ । ଭଗବାନ ଧନ୍ଵନ୍ତରୀଙ୍କୁ ଭଗବାନ ବିଷ୍ଣୁଙ୍କ ରୁପ ବୋଲି ବିଶ୍ୱାସ କରାଯାଏ । ସେ ହାତରେ ଅମୃତ କଳସ ଧାରଣ କରିଥାନ୍ତି । ଧନତେରସ ଦିନ ଡୁନ, ରୁପା ଓ ପିତଳ ଆଦି ଧାତୁ କିଣିଲେ ବର୍ଷ ସାରା ସୁଖ ସମୃଦ୍ଧି ମିଳିଥାଏ ବୋଲି ବିଶ୍ୱାସ ରହିଛି । ଏହି ଦିନ ଠାରୁ ଦୀପାବଳି ଆରମ୍ଭ ହୋଇଥାଏ ।
ଧନତେରସ ପୂଜା ପାଇଁ ଶୁଭ ମୁହୂର୍ତ୍ତ ସନ୍ଧ୍ୟା ୫ଟା ୨୮ ମିନିଟରୁ ୫ଟା ୫୯ ମିନିଟ ମଧ୍ୟରେ ରହିଛି । ଏହି ୩୦ ମିନିଟ ଭିତରେ ଆପଣଙ୍କୁ ଧନତେରସ ପୂଜା କରିନେବା ଉଚିତ । ନଭେମ୍ବର ୧୨ ତାରିଖ ସକାଳ ୧୧ଟା ୨୦ ମିନିଟରୁ ୧୨ଟା ୦୪ ମିନିଟ ଯାଏଁ ଅଭିଜିତ ମୁହୂର୍ତ୍ତ । ନଭେମ୍ବର ୧୩ ତାରିଖ ସକାଳ ୧୧ଟା ୨୦ ମିନିଟରୁ ୧୨ଟା ୦୪ ମିନିଟ ଯାଏଁ ଅଭିଜିତ ମୁହୂର୍ତ୍ତ ।
ଆପଣଙ୍କ ଘରର ମୁଖ୍ୟଦ୍ଵାର ପସଚିଆ ଦିଗ ଆଡକୁ ଥିଲେ ରାଶି ତେଲର ଦୀପ ଲଗାଇବା ଉଚିତ । ଏହି ଦୀପରେ କଳା କିସମିସ ମଧ୍ୟ ପକାଇବା ଉଚିତ । ଅକାଳ ମୃତ୍ୟୁରୁ ବଞ୍ଚିବା ପାଇଁ ଧନତେରସ ଦିନ ପ୍ରଦୋଷ କାଳରେ ଘର ବାହାରେ ଯମରାଜାଙ୍କ ପାଇଁ ଦୀପ ଲଗାଇବା ଉଚିତ । ଏହାକୁ ଯମଦୀପ ବୋଲି କୁହାଯାଏ । ଏହି ଦୀପ ଲଗାଇଲେ ଯମରାଜା ପ୍ରସନ୍ନ ହୁଅନ୍ତି ଓ ପରିବାର ସଦସ୍ୟଙ୍କୁ ଅକାଳ ମୃତ୍ୟୁରୁ ରକ୍ଷା କରନ୍ତି ବୋଲି କୁହାଯାଏ ।
ଧନତେରସ ଦିନ ସକାଳ ୬ଟା ୪୨ ମିନିଟରୁ ସନ୍ଧ୍ୟା ୫ଟା ୫୯ ମିନିଟ ମଧ୍ୟରେ ସୁନା କିଣିପାରିବେ । ସୁନା କିଣିବା ପାଇଁ ୧୧ ଘଣ୍ଟା ୧୬ ମିନିଟ ସମୟ ରହିଛି । ଏହି ସମୟରେ ସୁନା କିଣିଲେ ଶୁଭ କାର୍ଯ୍ୟ ସମ୍ପନ୍ନ ହୁଏ, ଘରେ ସୁଖ ଶାନ୍ତି ଓ ସମୃଦ୍ଧି ବିସ୍ତାର ହୋଇଥାଏ ।
