ସତ୍ୟଶିଖା (ପୁରୀ) ୧୮.୦୩.୨୦୨୨: ଆଜି ଦୋଳପୂର୍ଣ୍ଣମୀ। ପ୍ରଭୁଙ୍କ ଦର୍ଶନ ନିମନ୍ତେ ଶ୍ରୀମନ୍ଦିର ସମ୍ମୁଖରେ ଜମିଥିଲା ଅସମ୍ଭବ ଭିଡ଼ । ବଡ଼ଦାଣ୍ଡରେ ଜମିଥିଲା ଜନ ସମୁଦ୍ର । ଲମ୍ବା ଲାଇନ୍ ସହ ଅସହ୍ୟ ତାପ ସହି ଘଣ୍ଟା ଘଣ୍ଟା ଛିଡ଼ା ହୋଇଥିବା ଭକ୍ତଙ୍କର ଶେଷରେ ହେଲା ଧୈର୍ଯ୍ୟଚ୍ୟୁତ । ପ୍ରଭୁଙ୍କୁ ଦେଖିବାକୁ ବାରିକେଡ ଭାଙ୍ଗି ଧସେଇ ପଶିଲେ ହଜାର ହଜାର ସଂଖ୍ୟାରେ ଭକ୍ତ । ଏଥିଯୋଗୁ ସିଂହଦ୍ୱାର ସମ୍ମୁଖରେ ସୃଷ୍ଟି ହେଲା ଦଳାଚକଟା ସ୍ଥିତି । ହେଲେ ସଙ୍ଗେ ସଙ୍ଗେ ପରିସ୍ଥିତିକୁ ନିୟନ୍ତ୍ରିତ କରାଯିବାରୁ କୌଣସି କ୍ଷୟକ୍ଷତି ଘଟି ନ ଥିବା ଜଣାଯାଇଛି।
ଆଜି ଦୋଳପୂର୍ଣ୍ଣମୀରେ ରାଜରାଜେଶ୍ୱରୀ ବେଶରେ ଦର୍ଶନ ଦେଉଛନ୍ତି ପ୍ରଭୁ। ଶ୍ରୀମନ୍ଦିର ସମ୍ମୁଖରେ ବାରିକେଡରେ ୩୦୦ରୁ ୪୦୦ ଫୁଟ ପର୍ଯ୍ୟନ୍ତ ଭିଡ଼ ହୋଇଥିବା ବେଳେ ବଡଦାଣ୍ଡରୁ ମାର୍କେଟ ଛକ ପର୍ଯ୍ୟନ୍ତ ମଧ୍ୟ ଜମିଛି ଭିଡ଼ । ଠାକୁରଙ୍କ ନୀତିକାନ୍ତି ଚାଲୁଥିବା ବେଳେ ଘଣ୍ଟା ଘଣ୍ଟା ବାହାରେ ଖରାରେ ଛିଡ଼ା ହୋଇଥିବା ଭକ୍ତଙ୍କର ଶେଷରେ ଧୈର୍ଯ୍ୟ ସୀମା ଲଘିଂଲା। ଅତିଷ୍ଠ ଭକ୍ତ ବାରିକେଡ ଭାଙ୍ଗି ଶ୍ରୀମନ୍ଦିରକୁ ଧସେଇ ପଶିଲେ । ହେଲେ ସଙ୍ଗେ ସଙ୍ଗେ ପରିସ୍ଥିତିକୁ ଆୟତ୍ତ କରାଯାଇଛି।
