ସୁଆଦିଆ ପାଳଙ୍ଗ ଚିକେନ୍

ପ୍ରସ୍ତୁତି ପ୍ରଣାଳୀ-

ପ୍ରଥମେ ଗ୍ୟାସରେ କଡେଇ ବସେଇ ପାଣି ଢାଳିବେ । ତାପରେ ସେଥିରେ  ଅଳ୍ପ ଚିନି, ଲୁଣ ଏବଂ ବେକିଂ ସୋଡା ପକାଇ ଗୋଳାଇବେ । ଏହାପରେ ସେଥିରେ ପାଳଙ୍ଗ ପତ୍ର ଏବଂ ଧନିଆ ପତ୍ର ପକାଇ ମିକ୍ସ କରିବେ । ଅଳ୍ପ ସମୟ ପରେ ପାଳଙ୍ଗ ଓ ଧନିଆ ପତ୍ରକୁ ଗରମ ପାଣିରୁ କାଢି ତୁରନ୍ତ ଏକ ଥଣ୍ଡା ପାଣି ପାତ୍ରରେ ପକାଇବେ । ଏହାପରେ ଥଣ୍ଡା ପାଣିରୁ ଏହାକୁ କାଢି ,ସେଥିରେ ଅଳ୍ପ ତେଲ ମିଶାଇ ଗ୍ରାଇଣ୍ଡିଂ କରିବେ । ତାପରେ ଏକ ପାତ୍ରରେ ଚିକେନ ନେଇ ସେଥିରେ ଲୁଣ, କସ୍ତୁରୀ ମେଥି, ଲେମ୍ବୁ ରସ, ଲଙ୍କା ପାଉଡର ପକାଇ ଭଲଭାବେ ଗୋଳାଇ, ୧୦ ରୁ ୧୫ ମିନିଟ ଯାଏଁ ରଖିବେ । ଏହାପରେ ଗ୍ୟାସରେ କଡେଇ ବସେଇ ତେଲ ପକାଇବେ । ତେଲ ଗରମ ହେବାପରେ ସେଥିରେ ଜିରା, ଗୋଲମରିଚ, ଗୁଜୁରାତି, ଲବଙ୍ଗ ଏବଂ ଛୋଟଛୋଟ କଟା ହୋଇଥିବା ପିଆଜ ପକାଇ ମିକ୍ସ କରିବେ ।  କମ୍ ଆଂଚରେ ଏହାକୁ ଭାଜି ହେବାକୁ ଛାଡିବେ । ଅନ୍ୟପଟେ ଆଉ ଏକ ପାତ୍ରରେ ଦହି, ହଳଦୀ ପାଉଡର, ଧନିଆ ପାଉଡର, ଲଙ୍କା ପାଉଡର , ଅଳ୍ପ ଅଦା-ରସୁଣ ପେଷ୍ଟ ପକାଇ ମିକ୍ସ କରିବେ । ତାପରେ ଦେଖିବେ ପିଆଜ ହାଲକା ଭାଜି ହୋଇ ଆସିଲେ ସେଥିରେ କଟା ଟମାଟୋ, କସ୍ତୁରୀ ମେଥି ପକାଇ ମିକ୍ସ  କରିବେ । ଟମାଟୋ ମେଲ୍ଟ ହୋଇ ଆସିଲେ, ସେଥିରେ ଗୋଳାଇ ରଖିଥିବା ଦହି  ଓ ଚିକେନ ପକାଇ କିଛି ସମୟ ମିକ୍ସ କରିବେ । ତାପରେ ସେଥିରେ ଗ୍ରାଇଣ୍ଡିଂ କରିଥିବା ପାଳଙ୍ଗ ପେଷ୍ଟ ପକାଇ ମିକ୍ସ କରିବେ । ତାପରେ ସେଥିରେ ଅଳ୍ପ ପାଣି ପକାଇ ଚିକେନକୁ ସିଝିବାକୁ ଛାଡିବେ । ଚିକେନ  ସିଝିବା ସମୟରେ, ଅନ୍ୟପଟେ ଗ୍ୟାସରେ ଏକ ପ୍ୟାନ ବସେଇ  ତେଲ ପକାଇବେ । ତେଲ ଗରମ ହେବାପରେ ସେଥିରେ କଟା ରସୁଣ ଏବଂ ଲଙ୍କା ପାଉଡର ପକାଇ ମିକ୍ସ କରି, ଗ୍ୟାସ୍ ବନ୍ଦ କରିବେ ।  ଚିକେନ୍ ସିଝିବା ପରେ, ଚିକେନକୁ ଏକ ପାତ୍ରକୁ କାଢିବେ । ଏହାପରେ ଚିକେନ ଉପରେ ପ୍ରସ୍ତୁତ କରିଥିବା ତଡକା ପକାଇବେ । ପ୍ରସ୍ତୁତ ହୋଇଗଲା ପାଳଙ୍ଗ ଚିକେନ । ଏବେ ଏହାର ମଜା ନେଇ ପାରିବେ ।