ସଶିଖାତ୍ୟ ୦୯/୦୧/୨୦୨୧ :
ଆବଶ୍ୟକ ସାମଗ୍ରୀ
ଛତୁ – ୨୫୦ ଗ୍ରାମ
ବାସୁମତୀ ଚାଉଳ – ୪୦୦ ଗ୍ରାମ
ପନିର – ୨୦୦ ଗ୍ରାମ
କଟା ପିଆଜ – ୨ଟି
ପେଷା ଟମାଟୋ – ୧ଟି
ଗରମ ମସଲା – ୧ଚାମଚ
ଅଦା ରସୁଣ ବଟା – ୪ ଚାମଚ
ଘିଅ – ଆବଶ୍ୟକ ପରିମାଣରେ
ଧନିଆ ପତ୍ର – ଅଳ୍ପ
ପୁଦିନା – ଅଳ୍ପ
ଡ଼ାଲଚିନି – ୨ଟି
ଲବଙ୍ଗ – ୨ଟି
ଗୁଜୁରାତି – ୨ଟି
କାଜୁବଟା – ଆବଶ୍ୟକ ପରିମାଣରେ
ଲୁଣ – ଆବଶ୍ୟକ ପରିମାଣ
ପ୍ରସ୍ତୁତୀ ପ୍ରଣାଳୀ – ପ୍ରଥମେ ବାସୁମତୀ ଚାଉଳକୁ ଧୋଇ ଅଧ ଘଣ୍ଟା ବତୁରାଇ ଦିଅନ୍ତୁ । ଏବେ ଗ୍ୟାସ ଲଗାଇ କଡ଼େଇ ବସାନ୍ତୁ ଓ ଘିଅ ଗରମ କରନ୍ତୁ । ଘିଅ ଗରମ ହେବା ପରେ ଡ଼ାଲଚିନି, ଲବଙ୍ଗ, ଗୁଜୁରାତି, କଟା ପିଆଜ ପକାଇ ଭାଜନ୍ତୁ । କିଛି ସମୟ ବାଜିବା ପରେ ଅଦା ରସୁଣ ବଟା ପକାଇ କଷନ୍ତୁ । କଷିବା ପରେ ପେଷା ଟମାଟୋ ପକାଇ ପୁଣି ଭଲ ଭାବେ କଷନ୍ତୁ । ମସଲା କଷି ହେବାପରେ ଏଥିରେ ଛତୁ , ପନିର ଏବଂ ଗରମ ମସଲା ପକାଇ କଷନ୍ତୁ । କିଛି ସମୟ କଷିବା ପରେ କାଜୁ ବଟା, ଏକ କପ ପାଣି ଓ ଲୁଣ ପକାଇ ଭଲ ଭାବେ ଗୋଳାଇ ୨ ମିନିଟ ଗ୍ୟାସରେ ବସାଇ ଘୋଡ଼ାଇ ରଖନ୍ତୁ । ଏବେ ଗ୍ୟାସରେ ଆଉ ଏକ ପାତ୍ର ବସାଇ ଘିଅ ଗରମ କରନ୍ତୁ। ଘିଅ ଗରମ ହେବା ପରେ ପିଆଜ ପକାଇ ଭାଜନ୍ତୁ । ପିଆଜ ଭାଜି ହେବା ପରେ ଏଥିରେ ୪କପ ପାଣି ଓ ଅଳ୍ପ ଲୁଣ ପକାନ୍ତୁ । ଏବେ ଏଥିରେ ବତୁରାଇଥିବା ଚାଉଳକୁ ପକାଇ ୧୦ ମିନିଟରେ ଗାଳି ଦିଅନ୍ତୁ। ଗାଳିବା ପରେ ଏହି ଭାତକୁ ପୂର୍ବ ପ୍ରସ୍ତୁତ ମସଲାରେ ପକାଇ ଭଲ ଭାବେ ଗୋଳାନ୍ତୁ । ଏବେ ଗ୍ୟାସ ଲଗାଇ ଧନିଆ ପତ୍ର, ପୁଦିନା ପତ୍ର ପକାଇ ୧ ମିନିଟ ଏହାକୁ ଗରମ କରି ଦିଅନ୍ତୁ । ପ୍ରସ୍ତୁତ ହୋଇଗଲା ସ୍ୱାଦିଷ୍ଟ ମସଲା ପୁଲାଉ। ଏକ ପାତ୍ରକୁ କାଢି ଖାଆନ୍ତୁ ଓ ମଜା ନିଅନ୍ତୁ ।
