ଦାଉଦ ସହଯୋଗୀ ଇକବଲ୍‌ ମିର୍ଚିର

ସତ୍ୟଶିଖା (ମୁମ୍ବାଇ) ୨୦/୧୦/୨୦୨୦ : ଅଣ୍ଡର ଓ୍ବାର୍ଲଡ୍‌ ଡନ୍‌ ଦାଉଦ ଇବ୍ରାହିମ୍‌ ସଯହୋଗୀ ଇକ୍‌ବଲ ମିର୍ଚିର ସମ୍ପର୍କୀୟଙ୍କ ସହ ଜଡ଼ିତ ସମ୍ପତ୍ତି ଜବତ କଲା ପ୍ରବର୍ତ୍ତନ ନିର୍ଦେଶାଳୟ (ଇଡି) । ମିର୍ଚିର ସମ୍ପର୍କୀୟଙ୍କ ଅଚଳ ସମ୍ପତ୍ତି ସହ ୭ ବ୍ୟାଙ୍କ ଆକାଉଣ୍ଟରେ ଥିବା ଟଙ୍କା ମଙ୍ଗଳବାର ଇଡି ଜବତ କରିଥିବା ଜଣାପଡ଼ିଛି ।ପ୍ରିଭେନସନ୍‌ ଅଫ୍‌ ମନି ଲଣ୍ଡରିଂ ଆକ୍ଟ ଅଧିନରେ ସେକ୍ସନ ୫ ଅନୁଯାୟୀ ଇଡି ଜବତ କରିଥିବା ସମ୍ପତ୍ତି ଓ ଟଙ୍କାର ପରିମାଣ ମୋଟ ୨୨.୪୨ କୋଟି ବୋଲି ସୂଚନା ମିଳିଛି । ଜବତ ହୋଇଥିବା ସମ୍ପତ୍ତି ମଧ୍ୟରେ ମୁମ୍ବାଇର ଏକ ହୋଟେଲ, ଦୁଇଟି ବଙ୍ଗଳା ଓ  ପଞ୍ଚଗାନୀର ୩.୫ ଏକର ଜମି ସାମିଲ ରହିଛି ।ଗତମାସରେ ପ୍ରବର୍ତ୍ତନ ନିର୍ଦେଶାଳୟ ଇକ୍‌ବଲ ମିର୍ଚି ଓ ତାର ସମ୍ପର୍କୀୟଙ୍କ ସମ୍ପତ୍ତି ମଧ୍ୟ ଜବତ କରିଥିଲା । ଯେଉଁଥିରେ ୟୁଏଇ ଓ ଦୁବାଇର ସମ୍ପତ୍ତି ସାମିଲ୍‌ ଥିଲା । ଏହି ସବୁ ସମ୍ପତ୍ତିର ମୂଲ୍ୟ ପାଖାପାଖି ୨୦୦ କୋଟି ଟଙ୍କା ହେବ ବୋଲି ଅନୁମାନ କରାଯାଇଥିଲା । ପୂର୍ବରୁ ଇଡି ମିର୍ଚିର ମୁମ୍ବାଇ, ଦୁବାଇ, ଲଣ୍ଡନରେ ଥିବା ହଜାରେ କୋଟିର ସମ୍ପତ୍ତି ଠାବ କରିଥିଲା ।ଗତବର୍ଷ ମୁମ୍ବାଇର ମୁଖ୍ୟ ସ୍ଥାନଗୁଡ଼ିକରେ ଥିବା ସିଜେ ହାଉସ୍‌, ସାହିଲ୍‌ ବଙ୍ଗଳା, ରବିଆ ମାନିସନ୍‌, ମାରିୟମ୍‌ ଲଜ୍‌ ଓ ସି ଭିଉରେ ମିର୍ଚି ସମେତ ତାର ସମ୍ପର୍କୀୟଙ୍କ ଦ୍ବାରା ଟଙ୍କାର ଅବୈଧ କାରବାର ନେଇ ଅଭିଯୋଗ ହୋଇଥିଲା । ଏହାପରେ ମିର୍ଚି ସମେତ ଅନ୍ୟ ଅଭିଯୁକ୍ତଙ୍କ ବିରୋଧରେ ମାମଲା ରୁଜୁ କରିଥିଲା ପ୍ରବର୍ତ୍ତନ ନିର୍ଦେଶାଳୟ(ଇଡି) । ୨୦୧୯ ଡିସେମ୍ବରରେ ଇଡି ୬୦୦ କୋଟି ଟଙ୍କାର ସମ୍ପତ୍ତି ମଧ୍ୟ ଜବତ କରିଥିଲା ।