ନ୍ୟୁଜ୍ରାଜନୀତିରାଜ୍ୟସ୍ପେଶାଲ୍ ରିପୋର୍ଟ

ମୈଦାନକୁ ଓହ୍ଲାଇବେ ଦାମ ରାଉତ: ବିଜେଡି ପାଇଁ କରିବେ ପ୍ରଚାର

ସତ୍ୟଶିଖା (ଭୁବନେଶ୍ବର) ୩୦/୧୦/୨୦୨୦ : ଶେଷରେ ଉପ ନିର୍ବାଚନ ପ୍ରଚାର ମୈଦାନକୁ ଓହ୍ଳାଇବେ ବରିଷ୍ଠ ରାଜନେତା ଦାମ ରାଉତ । ବିଜେଡି ପାଇଁ ପ୍ରଚାର କରିବେ ଦାମ ରାଉତ । ତିର୍ତ୍ତୋଲ ଉପ ନିର୍ବାଚନରେ ବିଜେଡି ପ୍ରାର୍ଥୀଙ୍କ ପାଇଁ ଦାମ ପ୍ରଚାର କରିବେ । ବହୁ ବାଦ ବିବାଦ ପରେ ବିଜେଡି ଲାଗି ସେ ପ୍ରଚାର କରିବେ ।ସୂଚନା ଥାଉକି, ବିଜେଡି ଛାଡି, ବିଜେପିରେ ଦାମ ଯୋଗ ଦେଇଥିଲେ । ପରବର୍ତ୍ତୀ ସମୟରେ ପୁଣି ପଦ୍ମ ଛାଡି ସକ୍ରିୟ ରାଜନୀତିରୁ ଟିକେ ଦୂରେଇ ଯାଇଥିଲେ । ପୁଣି ବିଜେଡି ପାଇଁ ପ୍ରଚାର କରିବେ ବୋଲି ଦାମ ଅଣ୍ଟା ଭିଡିଛନ୍ତି । ତିର୍ତ୍ତୋଲ ଅଞ୍ଚଳରେ ଦାମଙ୍କ ଦବଦବା ଥିବା କୁହାଯାଉଥିବା ବେଳେ ବିଜେଡି ଦାମଙ୍କୁ ଅସ୍ତ୍ର କରି ପ୍ରଚାର ମୈଦାନକୁ ଛାଡିବ । ଦାମଙ୍କ ପ୍ରଚାର ବିରୋଧୀ ଦଳକୁ ଘାଇଲା କରିବ ବୋଲି ରାଜନୈତିକ ମହଲରେ ଚର୍ଚ୍ଚା ହେଉଛି ।

Show More
Back to top button