ପାଟନା: ଲକଡାଉନ ବେଳେ କୃଷି ଅଧିକାରୀଙ୍କୁ ପାସ୍ ମାଗିବାକୁ ଜଣେ ହୋମଗାର୍ଡଙ୍କୁ ଏଏସଆଇ ସର୍ବସମ୍ମୁଖୀନରେ ବସଉଠ କରାଇଥିଲେ। ଏହାର ଭିଡିଓ ଭାଇରାଲ ହେବା ପରେ ସଂପୃକ୍ତ ଏଏସ୍ଆଇକୁ ଚାକିରିରୁ ନିଲମ୍ବିତ କରାଯାଇଛି। ବିହାରର ଆରାରିଆ ଜିଲ୍ଲାରେ ଏହି ଘଟଣା ଘଟିଛି।
ପୁଲିସ ମହାନିର୍ଦ୍ଦେଶକ ଗୁପ୍ତେଶ୍ୱର ପାଣ୍ଡେ କହିଛନ୍ତି, ଏଏସ୍ଆଇ ଗୋବିନ୍ଦ ସିଂହଙ୍କୁ ନିଜର ଅମାନବୀୟ କାଣ୍ଡ ପାଇଁ ନିଲମ୍ବନ କରାଯାଇଛି। ହୋମଗାର୍ଡ ଜଣଙ୍କ ଗାଁ ଚୌକିଦାର ଭାବେ କାର୍ଯ୍ୟ କରୁଥିଲେ। ସୋମବାର ଦିନ ଜୋକିହାଟ ପୁଲିସ୍ ଷ୍ଟେସନ ଅଧୀନରେ ମୁତୟନ ଗଣେଶ ଲାଲ ଜିଲ୍ଲା କୃଷି ଅଧିକାରୀ ମନୋଜ କୁମାରଙ୍କ ଗାଡ଼ିକୁ ଅଟକାଇ ଦେଇଥିଲେ।
ମନୋଜଙ୍କ ପାଇଁ ଲକଡାଉନ ବେଳେ ଯିବା ଆସିବା କରିବା ପାଇଁ ବୈଧ ପାସ ନଥିବାରୁ ସେ ଗାଡ଼ିକୁ ଅଟକାଇ ଦେଇଥିଲେ। ଏହାକୁ ନେଇ ମନୋଜ କୁମାର ଗାଁ ଚୌକିଦାର ଗଣେଶଙ୍କ ସହ ଯୁକ୍ତିତର୍କ କରିଥିଲେ। ଏହି ସମୟରେ ଏଏସଆଇ ଗୋବିନ୍ଦ ସେଠାରେ ପହଞ୍ଚି ମନୋଜଙ୍କ ସପକ୍ଷରେ ଯୁକ୍ତି କରିଥିଲେ।
ଆହୁରି ପଢ଼ନ୍ତୁ
Visuals are from my home dist Araria Bihar,a constable has been treated very badly bcz he stopped senior officer for corona regarding checking pic.twitter.com/JEsWhLzWaU
— Ammar Bin Masoom (@bin_masoom) April 20, 2020
ଏପରି କି ସର୍ବସମ୍ମୁଖରେ ଗଣେଶଙ୍କୁ ୫୦ ଥର ଉଠବସ ହେବାକୁ ମଧ୍ୟ ନିର୍ଦ୍ଦେଶ ଦେଇଥିଲେ। ଏହାର ଭିଡିଓ ଭାଇରାଲ ହେବା ପରେ ସଂପୃକ୍ତ ପୁଲିସ ଅଧିକାରୀଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ସେହିପରି ରାଜ୍ୟ କୃଷି ବିଭାଗ ମଧ୍ୟ ଅଧିକାରୀ ମନୋଜ କୁମାରଙ୍କୁ କାରଣ ଦର୍ଶାଅ ନୋଟିସ ଜାରି କରିଛି।
[ad_2]
