ଏଥର ଆଉ ଲୁଚିପାରିବେନି ଅପରାଧୀ, ଧରିବ ‘ଅତିଥି’ ଆପ୍

‘ଅତିଥି’ ହେଉଛି ଏକ ଆପ୍‌। ପୁଲିସ ପକ୍ଷରୁ ଏହାର ତିଆରି ଚାଲିଛି ଏବଂ ଖୁବଶୀଘ୍ର ଏହି ଆପ୍‌ କାର୍ଯ୍ୟକାରୀ ହେବ। ଏହା ସାହାଯ୍ୟରେ ଟ୍ବିନ ସିଟିରେ ଅପରାଧୀଙ୍କୁ ଧରିବ ପୁଲିସ। ‘ଅତିଥି’ ଆପ୍‌ ଜରିଆରେ ହୋଟେଲର ତଥ୍ୟ ସଂଗ୍ରହ କରିବ ପୁଲିସ। ସରାଇ ଆକ୍ଟ ଅନୁସାରେ ହୋଟେଲ ମାଲିକ ସମସ୍ତ ତଥ୍ୟ ପୁଲିସକୁ ଦେବେ। ଏହି ତଥ୍ୟ କେବଳ ପୁଲିସ ପାଖରେ ରହିବ, ଏହାକୁ ସର୍ବସାଧାରଣ କରାଯିବ ନାହିଁ। ସବୁ ଗେଷ୍ଟ ହାଉସ, ହୋଟେଲ ଓ ଲଜ୍‌କୁ ଏନେଇ ନିର୍ଦେଶ ଦିଆଯିବ ବୋଲି ସୂଚନା ଦେଇଛନ୍ତି ଭୁବନେଶ୍ଵର ଡିସିପି ଉମାଶଙ୍କର ଦାଶ। ସୁରକ୍ଷା ଦୃଷ୍ଟିରୁ ଏଭଳି ନିଷ୍ପତ୍ତି ନିଆଯାଇଛି ବୋଲି ଡିସିପି କହିଛନ୍ତି।