ସତ୍ୟଶିଖା (ନୂଆଦିଲ୍ଲୀ) ୧୩/୧୦/୨୦୨୦ : ବିଶ୍ୱର ୨୦୦ରୁ ଅଧିକ ଦେଶରେ କରୋନା କାୟା ବିସ୍ତାର କରି ଚାଲିଛି । ବିଶ୍ୱବ୍ୟାପି କରୋନା ଯୋଗୁଁ ୧୦ଲକ୍ଷ ୭୬ହଜାରରୁ ଅଧିକ ଲୋକଙ୍କ ଏବେ ସୁଦ୍ଧା ମୃତ୍ୟୁ ହୋଇ ସାରିଛି । ୩କୋଟି ୭୪ଲକ୍ଷରୁ ଅଧିକ ଲୋକ କରୋନାରେ ସଂକ୍ରମଣର ଶିକାର ହୋଇଛନ୍ତି । କରୋନାର ଭାଇରସର ଭ୍ୟାକସିନ ପାଇଁ ଏବେ ବି ଦେଶବ୍ୟାପି ଗବେଷଣା ଜାରି ରହିଛି । ରୁଷ କରୋନା ଭ୍ୟାକସିନ୍ ପ୍ରସ୍ତୁତ କରିବାର ଦାବି କରିଛି ।
ଏପଟେ କରୋନା ଭ୍ୟାକସିନ ପ୍ରସ୍ତୁତ କରିବା ଦିଗରେ ଜନସନ ଆଣ୍ଡ ଜନସନ କରୋନା ଭ୍ୟାକସିନ ପରୀକ୍ଷଣକୁ ଅସ୍ଥାୟୀ ଭାବେ ରୋକି ଦେଇଛି । ଜନସନ ଆଣ୍ଡ ଜନସନ ଏହି ସୂଚନା ଦେଇଛି । ଜନସନ ଆଣ୍ଡ ଜନସନ ତରଫରୁ ଏକ ଷ୍ଟେଟମେଣ୍ଟ ଜାରି କରି କୁହାଗଲା ଯେ ସେମାନେ ନିଜ ସମସ୍ତ କରୋନା ଭ୍ୟାକସିନର କ୍ଲିନିକାଲ୍ ଟ୍ରାୟଲ୍ ଅସ୍ଥାୟୀ ଭାବେ ରୋକି ଦେଇଛନ୍ତି । ଗବେଷଣାରେ ଜଣେ ପ୍ରତିଯୋଗୀଙ୍କ ଅସୁସ୍ଥ ହୋଇଯିବା ଯୋଗୁଁ ଏହାକୁ ରୋକି ଦିଆଯାଇଛି ।
