ସତ୍ୟଶିଖା (ଭିଣ୍ଡ) ୧୯/୧୧/୨୦୨୦ : ମଧ୍ୟପ୍ରଦେଶର ଭିଣ୍ଡର ସିନ୍ଧ ନଦୀରେ ସକରମାଉଥ କ୍ୟାଟଫିଶ୍ ମିଳିବାରୁ ଲୋକେ ଆତଙ୍କିତ ହୋଇଯାଇଛନ୍ତି । ଏହି ସକରମାଉଥ କ୍ୟାଟଫିଶ୍ ଦକ୍ଷିଣ ଆମେରିକାରେ ଦେଖାଯାଉଥିବା ମାଂସାହାରୀ ମାଛ । ଦକ୍ଷିଣ ଆମେରିକାର ଆମାଜନ୍ ନଦୀରେ ଏହି ମାଛ ଦେଖିବାକୁ ମିଳିଥାଏ । ଏହି ମାଛକୁ ଭୋଲେ ନାମକ ଜଣେ ବ୍ୟକ୍ତି ସିନ୍ଧ ନଦୀର ମେହଦା ଘାଟରୁ ଧରିଛନ୍ତି ।
ଏହି ମାଂସାହାରୀ ମାଛ ଦେଖିବାକୁ ଖୁବ୍ ସୁନ୍ଦର । ବର୍ତ୍ତମାନ ବିଶେଷଜ୍ଞ ଏହା ଜାଣିବାକୁ ଉଦ୍ୟମ କରୁଛନ୍ତି ଯେ ପ୍ରକୃତରେ ଦକ୍ଷିଣ ଆମେରିକାରେ ଦେଖିବାକୁ ମିଳୁଥିବା ଏହି ମାଛ ଚମ୍ବଲର ସିନ୍ଧ ନଦୀରୁ କିପରି ମିଳିଛି । ଏହା ପୂର୍ବରୁ ବାରାଣସୀର ରାମନଗରର ରମଣା ପ୍ରବାହିତ ହେଉଥିବା ଗଙ୍ଗା ନଦୀରେ ନାବିକମାନେ ଅଦ୍ଭୁତ ମାଛକୁ ଧରିଥିଲେ ।
ବିଏଚୟୁର ମାଛ ବିଶେଷଜ୍ଞ ଏହାକୁ ସକରମାଉଥ କ୍ୟାଟଫିଶ୍ ବୋଲି ଚିହ୍ନଟ କରିଥିଲେ । ବୈଜ୍ଞାନିକମାନେ ଏହି ମାଛକୁ ପର୍ଯ୍ୟାବରଣ ପାଇଁ ବିପଦ ବୋଲି କହି ଚିନ୍ତା ପ୍ରକଟ କରିଥିଲେ । ସକରମାଉଥ କ୍ୟାଟଫିଶ୍ ଅନେକ ରଙ୍ଗରେ ମିଳିଥାଏ । ଏହା ଆଖପାଖର ଜୀବଜନ୍ତୁଙ୍କୁ ଖାଇ ଜୀବିତ ରହିଥାଏ ।
