ଡୋନାଲ୍ଡ ଟ୍ରମ୍ପଙ୍କ ପୁଅ ବ୍ୟାରେନଙ୍କୁ କରୋନା

ସତ୍ୟଶିଖା (ୱାଶିଂଟନ୍) ୧୫/୧୦/୨୦୨୦ : ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ପୁଅ ବ୍ୟାରେନ କରୋନାରେ ସଂକ୍ରମିତ । ଡୋନାଲ୍ଡ ଟ୍ରମ୍ପଙ୍କ ପତ୍ନୀ ଫାଷ୍ଟଲେଡି ମେଲାନିଆ ଟ୍ରମ୍ପ ଏ ସୂଚନା ଦେଇଛନ୍ତି । ତେବେ ତାଙ୍କ ୧୪ ବର୍ଷୀୟ ପୁଅ ଠାରେ କରୋନାର କୌଣସି ଲକ୍ଷଣ ଦେଖା ଦେଇ ନାହିଁ । ଟ୍ରମ୍ପ କରୋନା ଭାଇରସରୁ ସୁସ୍ଥ ହେବା ପରେ ସେ ନିର୍ବାଚନୀ ସଭାରେ ଏବେ ସାମିଲ ହେଉଛନ୍ତି । ଏହା ସହ ସେ ପୂର୍ବ ଠାରୁ ଅଧିକ ସୁସ୍ଥ ଅନୁଭବ କରୁଥିବା କହିଛନ୍ତି ।ଡେସ ମୋଇସର ଏକ ରାଲିରେ ବ୍ୟାରେନ୍ ଠିକ୍ ଥିବା ଟ୍ରମ୍ପ କହିଛନ୍ତି । ତେବେ ସ୍କୁଲ କାହିଁକି ଖୋଲା ଯାଉଛି ଏହା ହେଉଛି ତାର ଏକ ଉଦାହରଣ । ବ୍ୟାରେନ କରୋନାରେ ସଂକ୍ରମିତ ଥିବା ସେ ନିଜେ ମଧ୍ୟ ଜାଣି ନ ଥିଲେ । କାରଣ କୌଣସି ଲକ୍ଷଣ ହିଁ ଦେଖା ଦେଇ ନ ଥିଲା । ଟ୍ରମ୍ପ ଆହୁରି କହିଛନ୍ତି ଯୁବକ ଥିବାରୁ ତାର ଇମ୍ୟୁନସିଷ୍ଟମ ମଜୁବତ ବୋଲି ବ୍ୟାରେନ ହୁଏତ ଭାବୁଥିଲା । ମେଲାନିଆଙ୍କ ଠାରେ ଶରୀରରେ ଯନ୍ତ୍ରଣା, କଫ, ମୁଣ୍ଡବିନ୍ଧା ଓ ଥକ୍କାପଣ ଦେଖା ଦେଇଥିଲା ।ମେଲାନିଆ ଏବେ ପ୍ରାକୃତିକ ଔଷଧ ଉପରେ ନିର୍ଭର ରହିବେ । ଅଧିକ ଭିଟାମିନ ଓ ପୁଷ୍ଟକର ଖାଦ୍ୟ ଖାଇବା ସେ ନିଷ୍ପତ୍ତି ନେଇଛନ୍ତି । ଉଲ୍ଲେଖନୀୟ ଯେ ଅକ୍ଟୋବର ୨ରେ ଟ୍ରମ୍ପ କରୋନାରେ ସଂକ୍ରମିତ ହେବା ପରେ ତିନି ଦିନ ମିଲିଟ୍ରି ହସପିଟାଲରେ ଥିଲେ । ଏହା ସହ ତାଙ୍କ ପତ୍ନୀ ମେଲାନିଆ ଟ୍ରମ୍ପ ମଧ୍ୟ କରୋନାରେ ସଂକ୍ରମିତ ହୋଇଥିବା ସୂଚନା ଦେଇଥିଲେ । ​‌