ସତ୍ୟଶିଖା ୧୦ .୦୯.୨୦୨୦ : ଆରମ୍ଭ ହେବ ପାର୍ବଣ ଋତୁ । କରୋନା ସଂକ୍ରମଣ ସ୍ଥିତିକୁ ଦୃଷ୍ଟିରେ ରଖି ଦୁର୍ଗା ପୂଜା, କାଳୀ ପୂଜା ଓ ଲକ୍ଷ୍ମୀ ପୂଜା ପାଇଁ ମାର୍ଗଦର୍ଶିକା ଜାରି କରିଛନ୍ତି ସ୍ଵତନ୍ତ୍ର ରିଲିଫ କମିଶନର । ପରମ୍ପରା ଭଙ୍ଗ ନ ହେବା ପାଇଁ ପୂଜା କରିବା ଜରୁରୀ । ତେଣୁ ନୂଆ ଗାଇଡଲାଇନ ଅନୁଯାୟୀ, ପୂଜା କରିବା ପାଇଁ ଜିଲ୍ଲା ପ୍ରଶାସନର ଅନୁମତି ନେବେ ପୂଜା ମଣ୍ଡପ । ଟ୍ଵିନ୍ ସିଟି ଭୁବନେଶ୍ଵର ଏବଂ କଟକ ପାଇଁ କମିଶନରେଟ୍ ପୋଲିସ ଅନୁମତି ଦେବ । ମାର୍ଗଦର୍ଶିକା ଅନୁଯାୟୀ ପୂଜାମଣ୍ଡପରେ ୭ ଜଣରୁ ଅଧିକ ରହି ପାରିବେନି । ପୂଜା ମଣ୍ଡପ ୩ କୋଣରୁ ବନ୍ଦ ରହିବ ୪ର୍ଥ କୋଣ ଆଶିଂକ ବନ୍ଦ ରହିବ । ଭକ୍ତଙ୍କ ଦର୍ଶନ ଉପରେ ବାରଣ ରହିବ ।
ଜାକଜମକରେ ପୂଜା କରିବା ମନା । ମଣ୍ଡପରେ ୪ ଫୁଟରୁ କମ୍ ଉଚ୍ଚତା ହେବ ମାଙ୍କ ମୂର୍ତ୍ତି । ମଣ୍ଡପରେ ପୂଜା ପାଇଁ ଯେଉଁମାନେ ବି ଉପସ୍ଥିତ ରହିବେ ତାଙ୍କ ଭିତରେ ସାମାଜିକ ଦୂରତା ରହିବା ଜରୁରୀ ଓ ମାସ୍କ ପିନ୍ଦିବା ବି ଜରୁରୀ । ଭସାଣି ଉତ୍ସବ ହେବନାହିଁ । କୃତ୍ରିମ ପୋଖରୀରେ ମୂର୍ତ୍ତୀ ବିର୍ସଜନ କରାଯିବ । ପୂଜା ମଣ୍ଡପ ନିକଟରେ ମେଲୋଡି ଏବଂ ଅନ୍ୟ କାର୍ଯ୍ୟକ୍ରମ ସଂପୂର୍ଣ୍ଣ ମନା ।
