ସତ୍ୟଶିଖା(ଭୁବନେଶ୍ୱର ) ୧୯.୦୮ .୨୦୨୧: ବିଜେଡି ସାଂସଦ ଭର୍ତ୍ତୃହରି ମହତାବଙ୍କ ନାଁରେ ଥାନାରେ ଅଭିଯୋଗ ହୋଇଛି । ତାଙ୍କ ନାମରେ ଅଭିଯୋଗ ନେଇ ଜାତୀୟ ଗଣମାଧ୍ୟମରେ ଖବର ପ୍ରକାଶ ପାଇଛି । ଭର୍ତ୍ତୃହରିଙ୍କ ସମେତ ତାଙ୍କ ସ୍ତ୍ରୀ ଓ ପୁଅଙ୍କ ନାମରେ ବୋହୂ ଯୌତୁକ ନିର୍ଯାତନା ଅଭିଯୋଗ କରିଛନ୍ତି । ଗୁରୁବାର ଭୋପାଳରେ ତାଙ୍କ ବୋହୂ ଏହି ଅଭିଯୋଗ ଆଣି କହିଛନ୍ତି, ତାଙ୍କ ବିବାହରେ ତାଙ୍କ ପରିବାର ବହୁତ ଖର୍ଚ୍ଚ କରିଥିଲେ । ତଥାପି ତାଙ୍କୁ ଏବେ ଯୌତୁକ ନିର୍ଯାତନା ଦିଆଯାଉଛି । ତେବେ ଏନେଇ ଭର୍ତ୍ତୃହରିଙ୍କର କୌଣସି ପ୍ରତିକ୍ରିୟା ମିଳିପାରିନାହିଁ ।
