ସତ୍ୟଶିଖା ୩ .୦୯.୨୦୨୦ : ପ୍ରତି ବର୍ଷ ସେପ୍ଟେମ୍ବର ୨ତାରିଖରେ ଆନ୍ତର୍ଜାତୀୟ ନଡ଼ିଆ ଦିବସ କିମ୍ବା ବିଶ୍ୱ ନଡ଼ିଆ ଦିବସ ପାଳନ କରାଯାଇଥାଏ। ସମଗ୍ର ବିଶ୍ୱ ନଡ଼ିଆର ଗୁଣ ଏବଂ ଗୁରୁତ୍ୱକୁ ବୁଝି ସାରିଛି । ଏହା ଆମ ସ୍ଵlସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ ହୋଇଥାଏ । ନଡ଼ିଆ ପାଣିଠୁ ଆରମ୍ଭ କରି ଫଳ ଏବଂ ଏହାର ତେଲ ଯାଏଁ ସବୁ ଜିନିଷ ଆମକୁ ସୁସ୍ଥ କରିଥାଏ । ଦକ୍ଷିଣ ଭାରତରେ ନଡ଼ିଆ ତେଲରେ ଲୋକେ ଖାଦ୍ୟ ରୋଷେଇ କରିଥାନ୍ତି । ଯଦି ଆପଣ ବି ସୁସ୍ଥ ଜୀବନଶୈଳୀ ଚାହୁଁଛନ୍ତି ତେବେ ନିଜ ଡାୟେଟରେ ନଡ଼ିଆ ତେଲ ସାମିଲ କରନ୍ତୁ । ଖାଇବାରେ ନଡ଼ିଆ ତେଲ ସାମିଲ କରିବା ଦ୍ୱାରା ଆପଣଙ୍କୁ ହୃଦୟଠୁ ନେଇ ପାଚନ ତନ୍ତ୍ର ଯାଏଁ ଅନେକ ରୋଗରୁ ଫାଇଦା ମିଳିଥାଏ । ଆସନ୍ତୁ ବିଶ୍ଵ ନଡ଼ିଆ ଦିବସରେ ଜାଣିବା ଏହାର ଗୁଣ ବିଷୟରେ
- ନଡ଼ିଆ ତେଲ ଆମ ଶରୀରର ପ୍ରତିରକ୍ଷା ପ୍ରଣାଳୀକୁ ମଜବୁତ କରିଥାଏ ଏବଂ କାଶ-ଥଣ୍ଡା ସମେତ ଅନେକ ଭାଇରାଲ୍ ରୋଗରୁ ଆମକୁ ବଞ୍ଚାଇଥାଏ । ନଡ଼ିଆ ତେଲ ଶରୀରରେ ପ୍ରବେଶ କରୁଥିବା ଖରାପ ବ୍ୟାକ୍ଟେରିଆ ସହ ଲଢ଼ିଥାଏ ଏବଂ ପେଟକୁ ମଧ୍ୟ ସଂକ୍ରମଣରୁ ରକ୍ଷା କରିଥାଏ ।
- ନଡ଼ିଆ ତେଲକୁ ଡାୟେଟରେ ସାମିଲ କରିବା ଦ୍ୱାରା ଆପଣ ମେଦବହୁଳତାର ଶିକାର ହୋଇନଥାନ୍ତି । ଏହା ବ୍ୟବହାର କରିବା ଦ୍ୱାରା ମେଟାବଲିଜମ ଠିକ୍ ରହିଥାଏ ଏବଂ ଖୁବ୍ ଶୀଘ୍ର ଫ୍ୟାଟ୍ ବର୍ଣ୍ଣ ହୋଇଥାଏ । ଯଦି ଆପଣ ଓଜନ କମ୍ କରିବାକୁ ଚାହୁଁଛନ୍ତି ତେବେ ଫ୍ୟାଟ୍ ବର୍ଣ୍ଣ ହେବା ଜରୁରୀ । ଏପରି ଖାଇବା ଦ୍ୱାରା ନଡ଼ିଆ ତେଲ ବ୍ୟବହାର କରିବା ଲାଭଦାୟକ ଅଟେ ।
- ନଡ଼ିଆ ତେଲରେ ରୋଷେଇ କରିବା ଦ୍ୱାରା ଆପଣଙ୍କ ପାଚନ ତନ୍ତ୍ର ମଜବୁତ ହୋଇଥାଏ । ଆପଣଙ୍କୁ ବଦହଜମୀ ଏବଂ ଗ୍ୟାସ୍ ଭଳି ପେଟ ସମସ୍ୟା ହେବ ନାହିଁ । କୋଷ୍ଠକାଠିନ୍ୟ ଏବଂ ପେଟ ସମ୍ବନ୍ଧିତ ଅନ୍ୟ ରୋଗରେ ଏହା ସେବନ କଲେ ଲାଭଦାୟକ ସାବ୍ୟସ୍ତ ହେବ ।
- ନଡ଼ିଆ ତେଲ କିଟୋନ୍ସ ଉତ୍ପାଦନ କରିଥାଏ । କିଟୋନ୍ସ ଆମ ଶରୀରର ସୁସ୍ଥ ସେଲ୍ସକୁ ଶକ୍ତି ପ୍ରଦାନ କରିଥାଏ । କ୍ୟାନସର ସେଲ୍ସକୁ ଛାଡ଼ି ଶରୀରର ଅନ୍ୟ ମଜବୁତ ସେଲ୍ସକୁ ଏଥିରୁ ଶକ୍ତି ମିଳିଥାଏ । ଏପରି କ୍ଷେତ୍ରରେ ନଡ଼ିଆ ତେଲକୁ ଖାଦ୍ୟରେ ବ୍ୟବହାର କରିବା ଦ୍ୱାରା ଶରୀର ସୁସ୍ଥ ହୋଇଥାଏ ଏବଂ କ୍ୟାନସର ଭଳି ମାରାତ୍ମକ ରୋଗରୁ ମୁକ୍ତି ମିଳିଥାଏ ।
- ନଡ଼ିଆ ତେଲକୁ ଡାୟେଟରେ ସାମିଲ କରିବା ଦ୍ୱାରା ଆପଣଙ୍କୁ ହାର୍ଟ ସମସ୍ୟା ହୋଇନଥାଏ । ନଡ଼ିଆ ତେଲରେ ଲରିକ୍ ଏସିଡ ରହିଥାଏ ଯାହା ଉପଯୁକ୍ତ କୋଲେଷ୍ଟୋଲ ପାଇଁ ଲାଭଦାୟକ । ଶରୀରରେ ଉପଯୁକ୍ତ କୋଲେଷ୍ଟୋଲର ମାତ୍ରା ବଢ଼ିବା ଦ୍ୱାରା ହାର୍ଟ ସମସ୍ୟା ହୋଇନଥାଏ ।
- ନଡ଼ିଆ ତେଲକୁ ଡାୟେଟରେ ସାମିଲ କରିବା ଦ୍ୱାରା ଦାନ୍ତ ଏବଂ ହାଡ଼ ମଜବୁତ ହୋଇଥାଏ । ଖାଦ୍ୟରେ ନଡ଼ିଆ ତେଲ ବ୍ୟବହାର କରିବା ଦ୍ୱାରା ଶରୀରରେ ମ୍ୟାଗ୍ନେସିୟମ୍ ଏବଂ କ୍ୟାଲସିୟମର ମାତ୍ରା ବଢ଼ିଥାଏ । ଏହା ଦ୍ୱାରା ହାଡ଼ ମଜବୁତ ହୋଇଥାଏ ଏବଂ ହାଡ଼ ସମ୍ବନ୍ଧିତ ରୋଗ ହୋଇନଥାଏ ।
- ନଡ଼ିଆ ତେଲର ଆହୁରି ଅନେକ ଫାଇଦା ରହିଛି । କେଶରେ ନଡ଼ିଆ ତେଲ ଲଗାଇବା ଦ୍ୱାରା କେଶ ଲମ୍ବା ଏବଂ ଘନ ହୋଇଥାଏ । ଏହା ଆମ ତ୍ବଚା ପାଇଁ ମଧ୍ୟ ଅତ୍ୟନ୍ତ ଲାଭଦାୟକ ହୋଇଥାଏ। ନଡ଼ିଆ ତେଲରେ ମସାଜ କରିବା ଦ୍ବାରା ତ୍ବଚା ଚମକିଥାଏ ଏବଂ ଆଣ୍ଟି ଅକ୍ସିଡାଣ୍ଟ ଗୁଣ କାରଣରୁ ତ୍ୱଚାରେ ଚର୍ମକୁଞ୍ଚନ ଦୂର ହୋଇଥାଏ ।
- ନଡ଼ିଆ ତେଲ ଆଣ୍ଟି ବ୍ୟାକ୍ଟେରିଆଲ୍,ଆଣ୍ଟି ଫଙ୍ଗଲ୍ ଏବଂ ଆଣ୍ଟି ଇନଫ୍ଲାମେଟ୍ରି ତତ୍ୱ ମିଳିଥାଏ । ଏହା ତ୍ୱଚା କଟିଗଲେ ଏବଂ ଜଳିଗଲେ କାମରେ ଆସିଥାଏ । ଶରୀରରେ ପାଣିର ଅଭାବ ଯୋଗୁଁ ଓଠ ଫାଟିବାର ସମସ୍ୟା ହୋଇଥାଏ ତେଣୁ ନଡ଼ିଆ ତେଲକୁ ଲିପ୍ ବାମ ଭାବେ ବ୍ୟବହାର କରିପାରିବେ ।
