ରାଜ୍ୟରେ ଖୋଲିବନି ପ୍ରଥମରୁ ଅଷ୍ଟମ ଶ୍ରେଣୀ:ଗଣଶିକ୍ଷା ମନ୍ତ୍ରୀ ସମୀର ଦାସ

ସତ୍ୟଶିଖା( ଭୁବନେଶ୍ୱର )୨୩/୦୨/୨୦୨୧ : ଆଜି ରାଜ୍ୟରେ ପ୍ରଥମରୁ ଅଷ୍ଟମ ଶ୍ରେଣୀ ସ୍କୁଲ ଖୋଲାଯିବାର ଥିଲା ମାତ୍ର ବର୍ତ୍ତମାନର ସ୍ଥିତିକୁ ଦେଖି ଏହାକୁ ପୁଣି ଥରେ ବିଚାର କରାଯାଉଛି । ତେବେ ଆଗକୁ ଶ୍ରେଣୀ ଖୋଲିବ କି ନାହିଁ ସେନେଇ ଆଶା ଆଶଙ୍କା ମଧ୍ୟରେ ଛାତ୍ରଛାତ୍ରୀ । ଅନ୍ୟ ରାଜ୍ୟରେ ବଢିବାରେ ଲାଗିଛି କରୋନା ସଂକ୍ରମଣ । ଖାସ୍ କରି ପଡୋଶୀ ରାଜ୍ୟ ଛତିଶଗଡରେ କୋଭିଡ ମାମଲା ବୃଦ୍ଧି ପାଇଛି । ତେଣୁ ଏନେଇ ରାଜ୍ୟ ସୀମାନ୍ତ ଜିଲ୍ଲା ଗୁଡିକର ତଦାରଖ ପାଇଁ ନୋଡାଲ ଅଫିସର ପହଞ୍ଚିଛନ୍ତି । ସେଠାରେ କୋଭିଡ ନିୟମ ପାଳନ ନେଇ ସେମାନେ ତଦାରଖ କରୁଛନ୍ତି। ଏନେଇ ସୂଚନା ଦେଇଛନ୍ତି ଗଣଶିକ୍ଷା ମନ୍ତ୍ରୀ ସମୀର ଦାସ ।