ସତ୍ୟଶିଖା ( ଭୁବନେଶ୍ୱର ) ୦୩ /୦୯ /୨୦୨୧ : ପ୍ରତେକଙ୍କ ରୋଷେଇ ଘରେ ମସଲା ଜାତୀୟ ସାମଗ୍ରୀ ମଧ୍ୟରେ ଡାଲଚିନି ମଧ୍ୟ ଉପଲବ୍ଧ ରହିଥାଏ । ଏହା ବ୍ୟଞ୍ଜନର ସ୍ଵଧ ବଢାଇବାରେ ସାହାଯ୍ୟ କରେ । କେବଳ ଏତିକି ନୁହେଁ , ଏହା ସହିତ ସ୍ୱାସ୍ଥ୍ୟ ପାଇଁ ମଧ୍ୟ ଏହା ବହୁତ୍ ଉପକାରୀ । ବିଭିନ୍ନ ସ୍ୱାସ୍ଥ୍ୟ ଜନିତ ସମସ୍ୟାକୁ ଦୂର କରିବାରେ ଏହା ବେଶ ସହାୟକ ହୋଇଥାଏ । ଏଥିରେ ଅନେକ ଔଷଧିୟ ଗୁଣ ଭରି ରହିଥାଏ । ଆସନ୍ତୁ ଜାଣିବା ଏହାର ସ୍ୱାସ୍ଥ୍ୟ ଉପକାରୀତା ସମ୍ପର୍କରେ ।
ଡାଲଚିନିରେ ଆଇରନ, କ୍ୟାଲସିୟମ, ଭିଟାମିନ କେ, କପର, ପୋଟାସିୟମ, ଫାଇବର, ଆଣ୍ଟି-ଅକ୍ସିଡାଣ୍ଟର ଗୁଣ ଭରପୁର ରହିଥାଏ ।
-ପାଚନ ସମସ୍ୟା ପାଇଁ ଡାଲଚିନି ବହୁତ୍ ଲାଭଦାୟକ ହୋଇଥାଏ । ଏହା ସହିତ ଗ୍ୟାସ, ଆଣ୍ଠୁ ଗଣ୍ଠି ସମସ୍ୟା ରୁ ମଧ୍ୟ ଆରାମ ମିଳିଥାଏ । ଦୁଗ୍ଧ ସହିତ ଡାଲଚିନି ଗୁଣ୍ଡ ମିଶାଇ ସେବନ କରିବା ଦ୍ବାରା, ଏହି ସମସ୍ୟାରୁ ଆରାମ ମିଳିଥାଏ ।
– ଅଧିକ କୋଲେଷ୍ଟ୍ରଲ ବଢୁଥିଲେ, ଏଥିପାଇଁ ଡାଲଚିନି ବହୁତ୍ ଉପକାରୀ ହୋଇଥାଏ । ଏହା ସେବନ କରିବା ଦ୍ବାରା , କୋଲେଷ୍ଟ୍ରଲ ନିୟନ୍ତ୍ରଣରେ ରହିଥାଏ ।
-ମୋଟାପଣକୁ ନେଇ ଚିନ୍ତିତ ଥିଲେ, ଏଥିପାଇଁ ପ୍ରତିଦିନ ଡାଲଚିନି ଚା’ ସେବନ କରିବା ଦ୍ବାରା, ଏହା ଓଜନ କମ୍ କରିବାରେ ସାହାଯ୍ୟ କରେ ।
