ସତ୍ୟଶିଖା(ନୂଆଦିଲ୍ଲୀ )୦୧.୦୨.୨୦୨୨ : ଚଳିତ ବର୍ଷରେ ଭାରତର ଅଭିବୃଦ୍ଧି ହାର ୯.୨୭ ପ୍ରତିଶତ ହେବ। ପ୍ରମୁଖ ଅର୍ଥନୀତି ମଧ୍ୟରେ ଏହି ଅଭିବୃଦ୍ଧି ହାର ସର୍ବାଧିକ ବୋଲି ନିର୍ମଳା ସୀତାରମଣ କହିଛନ୍ତି। ଆଗାମୀ ୩ ବର୍ଷରେ ୪୦୦ ନୂତନ ବନ୍ଦେ ଭାରତ ପ୍ରସ୍ତୁତ ହେବ। ସେହିଭଳି ୨୦୨୨-୨୩ ମଧ୍ୟରେ ଜାତୀୟ ରାଜପଥର ଲମ୍ବ ୨୫୦୦୦ କିଲୋମିଟରକୁ ବୃଦ୍ଧି ପାଇବ।
କରୋନା ଅବଧିରେ ଶିକ୍ଷାର ଅନେକ କ୍ଷତି ହୋଇଛି । ପ୍ରଧାନମନ୍ତ୍ରୀ ଇ-ବିଦ୍ୟା ମାଧ୍ୟମରେ ‘ଗୋଟିଏ ଶ୍ରେଣୀ, ଗୋଟିଏ ଟିଭି ଚ୍ୟାନେଲ୍’ କାର୍ଯ୍ୟକ୍ରମରେ ୧୨ ରୁ ୨୦୦ ଟିଭି ଚ୍ୟାନେଲକୁ ବିସ୍ତାର କରାଯିବ । ଏହା ସମସ୍ତ ରାଜ୍ୟକୁ ୧ ରୁ ୧୨ ଶ୍ରେଣୀ ପାଇଁ ଆଞ୍ଚଳିକ ଭାଷାରେ ସପ୍ଲିମେଣ୍ଟାରୀ ଶିକ୍ଷା ପ୍ରଦାନ କରିବାକୁ ସକ୍ଷମ କରିବ । ଏହା ବ୍ୟତୀତ ଡିଜିଟାଲ ବିଶ୍ୱବିଦ୍ୟାଳୟ ପ୍ରତିଷ୍ଠା ହେବ।
ପ୍ରାକୃତିକ, ଶୂନ-ବଜେଟ୍ ଏବଂ ଜୈବିକ କୃଷି, ଆଧୁନିକ କୃଷି ଆବଶ୍ୟକତା ପୂରଣ ପାଇଁ କୃଷି ବିଶ୍ୱବିଦ୍ୟାଳୟଗୁଡ଼ିକର ପାଠ୍ୟକ୍ରମ ସଂଶୋଧନ କରିବାକୁ ରାଜ୍ୟମାନଙ୍କୁ ଉତ୍ସାହିତ କରାଯିବ ବୋଲି ସୀତାରମଣ କହିଛନ୍ତି । ମାନସିକ ସମସ୍ୟା ପାଇଁ ଜାତୀୟ ଟେଲିମେଣ୍ଟାଲ୍ ସ୍ୱାସ୍ଥ୍ୟ କାର୍ଯ୍ୟକ୍ରମ ମଧ୍ୟ ଆରମ୍ଭ ହେବ ବୋଲି ଅର୍ଥମନ୍ତ୍ରୀ ନିର୍ମଳା ସୀତାରମଣ କହିଛନ୍ତି।
