ସତ୍ୟଶିଖା ( ଭୁବନେଶ୍ଵର ) :୧୨.୦୭.୨୦୨୦ ଭୁବନେଶ୍ୱର ମହାନଗର ନିଗମ ୱାର୍ଡ ନଂ ୩୭ ନୁଆପଲ୍ଲୀ ଗ୍ରାମରେ ମାନ୍ୟବର ଯଶସ୍ବୀ ମୁଖ୍ୟମନ୍ତ୍ରୀ ଶ୍ରୀଯୁକ୍ତ ନବୀନ ପଟ୍ଟନାୟକଙ୍କର ନିର୍ଦ୍ଧେଶ ଓ ମାର୍ଗଦର୍ଶନକୁ ଲକ୍ଷରଖି ନୁଆପଲ୍ଲୀ ଶ୍ରୀକ୍ରୀଷ୍ଣା କ୍ଲବରେ ଜୀବନବିନ୍ଦୁ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଅଛି । ଏହି ଶିବିରରେ ମୁଖ୍ୟ ଅତିଥି ବିଧାୟକ ଅନନ୍ତ ନାରାୟଣ ଜେନା ଯୋଗ ଦେଇ ବର୍ତ୍ତମାନ ମହାମାରୀର ଗମ୍ଭୀର ପରିସ୍ଥିତିର ମୁକାବିଲା ପାଇଁ ଏହି ରକ୍ତ ଦାନ ଭଳି ଏକ ମହତ କାର୍ଯ୍ୟ କରୁଥିବା ସମସ୍ତ ବନ୍ଧୁମାନେ ଜଣେ ଜଣେ ଯୋଦ୍ଧା ରୂପେ ପରିଚୟ ଦେଇ ସ୍ଥାନୀୟ ଲୋକମାନଙ୍କୁ ଉତ୍ସାହିତ କରିଥିଲେ l
ପୁର୍ବତନ କର୍ପୋରେଟର ବିରଞ୍ଚି ନାରାୟଣ ମହାସୁପକାର , ନିଖିଳ ବଳବନ୍ତରାୟ ,ନବ କିଶୋର ବେହେରା , ରମାନାଥ ସାମନ୍ତରାୟ , ପ୍ରତ୍ୟକ୍ଷ ତତ୍ବାବଧାନ ଓ ବିଷ୍ଣୁ ବେହେରା, ସାଗର ବଳବନ୍ତରାୟ, ଦେବେନ୍ଦ୍ର ମହାକୁଡ଼, ଖଗେନ୍ଦ୍ର ବେହେରା ସମେତ କ୍ଲବର ସମସ୍ତ ସଦସ୍ୟ ଏହି ମହତ କାର୍ଯ୍ୟକୁ ସମ୍ପନ୍ନ କରିବାରେ ସହଯୋଗ କରିଥିଲେ l ମହାମାରୀରେ ଆକ୍ରାନ୍ତ ବଢ଼ିବାର ଦେଖି ବିଗତ କିଛି ଦିନ ହେବ ଆରମ୍ଭ ହୋଇଥିବା ଜୀବନ ବିନ୍ଦୁ କାର୍ଯ୍ୟକ୍ରମ ଆଗାମୀ ଦିନରେ ଭୁବନେଶ୍ୱରର ସମସ୍ତ ୱାର୍ଡ ରେ ଅନୁଷ୍ଠିତ ହେବ ଯାହାକି ମହାମାରୀରେ ଆକ୍ରାନ୍ତ ବ୍ୟକ୍ତିଙ୍କୁ ସଂଜୀବନୀ ଯୋଗାଇବାରେ ସହଯୋଗ ହେବ ବୋଲି ବିଧାୟକ ନିଜ ମତ ଉପସ୍ଥାପନ କରିଛନ୍ତି l
