ଅପରାଧରାଜ୍ୟ

କୋରାପୁଟ ଜିଲ୍ଲାରୁ ପୁଣି ଗଞ୍ଜେଇ ଜବତ

ସତ୍ୟଶିଖା (ଲମତାପୁଟ) ୨୬/୧୧/୨୦୨୦ : ପୁଣି  କୋରାପୁଟ ଜିଲ୍ଲାରୁ ଜବତ ହେଲା ବିପୁଳ ପରିମାଣର ଗଞ୍ଜେଇ । ନନ୍ଦପୁର ପୋଲିସ ବିପୁଳ ପରିମାଣର ଗଞ୍ଜେଇ ବୋଝେଇ ଟ୍ରକ୍ ଜବତ କରିଥିବା ବେଳେ ପାଡୁଆ ପୋଲିସ ମଧ୍ୟ ଗଞ୍ଜେଇ ବୋଝେଇ ପିକଅପ୍ ଭ୍ୟାନ୍ ଜବତ କରିଛି ।

ବିଶେଷ ସୁତ୍ରରୁ ଖବର ପାଇ  କୋରାପୁଟ ଏସପିଙ୍କ ନିର୍ଦ୍ଦେଶରେ ନନ୍ଦପୁର ଏସଡ଼ିପିଓଙ୍କ ନେତୃତ୍ବରେ  ନନ୍ଦପୁର ଥାନା ଅଧିକାରୀ ବ୍ଲକ କାର୍ଯ୍ୟାଳୟ ସମ୍ମୁଖରେ ନାକାବନ୍ଦୀ କରି ଗାଡି ଯାଞ୍ଚ କରୁଥିଲା । ସେହି ସମୟରେ ପଡୁଆ  ଅଞ୍ଚଳରୁ  ଦ୍ରୁତ ଗତିରେ ଆସୁଥିବା ଟ୍ରକକୁ ଅଟକାଇ ଥିଲା ପୋଲିସ ।

ପୋଲିସ ଗାଡି ଅଟକାଇବା ଦେଖି ଅନ୍ଧାର ରାତି ଏବଂ କୁହୁଡିର  ସୁଯୋଗ ନେଇ ଗଞ୍ଜେଇ ମଫିଆ ଗାଡି ଛାଡି ଚମ୍ପଟ ମାରିଥିଲେ । ପୋଲିସ ଗାଡି ଯାଞ୍ଚ କରିବାରୁ ଏଥିରୁ ପ୍ରାୟ ୬୦ କୁଇଣ୍ଟାଲ ଗଞ୍ଜେଇ ଥିବା ଜାଣିବାକୁ ପାଇଥିଲା । ଏହାର ମୂଲ୍ୟ ପ୍ରାୟ ୬୦ ଲକ୍ଷ ହେବ ବୋଲି ପୋଲିସ ସୂଚନା ଦେଇଛି । ଏହି ଗଞ୍ଜେଇ ଶିମିଳିଗୁଡା ଦେଇ ଛତିଶଗଡକୁ ଚାଲଣ ହେଉଥିବା ପୋଲିସ ଅନୁମାନ କରୁଛି ।

ସେହି ଭଳି  ବିଶେଷ ସୂତ୍ରରୁ ଖବର ପାଇ ଏସଡ଼ିପିଓ  ନନ୍ଦପୁର ଏବଂ ପଡୁଆ ଥାନା  ଅଧିକାରୀ  ଚମ୍ପାପୁଟଠାରୁ ୩ କିଲୋମିଟର ଦୂରରେ ପାଟ୍ରୋଲିଂ କରୁଥିବା ବେଳେ ଦ୍ରୁତ ଗତିରେ ଅସୁଥିବା ପିକଅପ ଭ୍ୟାନକୁ ଅଟକାଇଥିଲେ । ରାତିର ଅନ୍ଧାର ଏବଂ କୁହୁଡିର ସୁଯୋଗ ନେଇ ଜଙ୍ଗଲ ଭିତରକୁ ଗାଡି ଛାଡି ଡ୍ରାଇଭର ଫେରାର ହୋଇଯାଇଛି ।

ଗାଡିକୁ ଯାଞ୍ଚ କରିବାରୁ ପ୍ରାୟ ୨ କୁଇଣ୍ଟାଲ ୫୦ କେଜି ଗଞ୍ଜେଇ ଥିବା ଜାଣିବାକୁ ପାଇଛି ପାଡୁଆ ପୋଲିସ । ଏହି ଗଞ୍ଜେଇର ମୂଲ୍ୟ ପ୍ରାୟ ୨୫ଲକ୍ଷ ଟଙ୍କାର ହେବ ବୋଲି ପୋଲିସ ସୂଚନା ଦେଇଛି । ଏହି ଗଞ୍ଜେଇ ପଡୁଆ ଅଞ୍ଚଳରୁ ଆନ୍ଧ୍ର ପ୍ରଦେଶ ଚୋରାଚାଲାଣ ହେଉଥିବା ପୋଲିସ ସୂଚନା ଦେଇଛି ।

Show More
Back to top button