ସତ୍ୟଶିଖା ୦୪/୦୧/୨୦୨୧ : ବୁର୍ଲା ନିକଟସ୍ଥ ମହାନଦୀ ପୋଲ ଉପରୁ ତଳକୁ ଡେଇଁ ଆତ୍ମହତ୍ୟା କରିଥିବା ଯୁବତୀଙ୍କ ମୋବାଇଲ ଫୋନ୍ ମିଳିଛି । ଘଟଣାସ୍ଥଳ ବା ପୋଲ ତଳୁ ମୋବାଇଲ ଫୋନ୍ ସହ ପୋଲ ଉପରୁ ଭ୍ୟାନ୍ଟି ଏବଂ ଚପଲ ହଳେ ମିଳିଛି । ଏପରି କି ଘଟଣାସ୍ଥଳରେ ସମ୍ବଲପୁରର ଏକ ସପିଂ ମହଲର ସପିଂ କରିଥିବା ସ୍ଲିପକୁ ମଧ୍ୟ ପୋଲିସ ଜବତ କରିଛି । ବର୍ତ୍ତମାନ ସୁଦ୍ଧା ମୃତ ଯୁବତୀଙ୍କ ପରିଚୟ ମିଳି ପାରି ନାହିଁ । ସୁଚନାଯୋଗ୍ୟ ଗତକାଲି ସନ୍ଧ୍ୟାରେ ଏକ ଅଜଣା ଯୁବତୀ ବୁର୍ଲା ନିକଟସ୍ଥ ମହାନଦୀ ବ୍ରିଜରୁ ତଳକୁ ଡେଇଁ ଜୀବନ ହାରିଛନ୍ତି । ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିବା ଜଣାପଡିଛି।କିନ୍ତୁ ପ୍ରକୃତ ଘଟଣା ? ସେ କାହିଁକି ଆତ୍ମହତ୍ୟା କଲେ, ତାହା ବର୍ତ୍ତମାନ ସୁଦ୍ଧା ସ୍ପଷ୍ଟ ହୋଇ ନାହିଁ । ପୋଲିସ ଘଟଣାସ୍ଥଳରେ ପହଞ୍ଚି ଛାନ୍ଭିନ୍ ଆରମ୍ଭ କରିଛି ।
