ସତ୍ୟଶିଖା (ସିମ୍ଲା) ୫ .୦୯.୨୦୨୦ : ବିଳମ୍ବିତ ରାତରେ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ଏହି ଦୁର୍ଘଟଣାରେ ୪ଜଣ ଯୁବକଙ୍କ ପ୍ରାଣ ଯାଇଥିବା ବେଳେ ତିନି ଜଣ ଗୁରୁତର ଭାବେ ଆହତ ହୋଇଛନ୍ତି । ସମସ୍ତଙ୍କ ଆହତଙ୍କୁ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି । ହିମାଚଳ ପ୍ରଦେଶର କନ୍ନୋର ଜିଲ୍ଲା ସାଙ୍ଗଳା ଅଞ୍ଚଳରେ ଘଟିଛି ଦୁର୍ଘଟଣା ।
ଶୁକ୍ରବାର ଦିନ ବିଳମ୍ବିତ ରାତିରେ ଖରୋଗଲା ନିକଟରେ ଏକ ବୋଲେରୋ କାର୍ ଭାରସାମ୍ୟ ହରାଇ ରାସ୍ତାକଡ ଘାଇରେ ପଡିଯାଇଥିଲା । ଯାହାଫଳରେ କି ଗାଡିରେ ଥିବା ଯୁବକଙ୍କ ମଧ୍ୟରୁ ତିନିଜଣଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିବା ବେଳେ ଜଣେ ମେଡିକାଲରେ ମୃତ୍ୟୁ ହୋଇଛି । ସେହିପରି ଆହତ ଥିବା ତିନିଜଣ ଅବସ୍ଥା ଗମ୍ଭୀର ରହିଛି । ସେମାନଙ୍କୁ ସାଙ୍ଗଲା ସିଏଚ୍ସି ମେଡିକାଲରେ ପ୍ରାଥମିକ ଉପଚାର ପରେ ରାମପୁର ଖନେରି ମେଡିକାଲକୁ ସ୍ଥାନାନ୍ତରିତ କରାଯାଇଛି । ଦୁର୍ଘଟଣାର ଖବର ପୋଲିସ ଘଟଣାସ୍ଥଳରେ ପହଞ୍ଚି ଛାନ୍ଭିନ୍ ଜାରି ରଖିଛି । ତେବେ ମିଳିଥିବା ସୂଚନାନୁସାରେ ମୃତାହତକଙ୍କ ନାମ ନନ୍ଦ କିଶୋର, ଇନ୍ଦ୍ର ଦିବାନ, ବଲରାଜ ସିଂହ, ଦେବ ଚନ୍ଦ୍ର , ଓଙ୍କାର ସିଂହ, ସୁରେନ୍ଦର ଚୌହାନ , ସଂଜୟ ଉମ୍ର ରହିଛନ୍ତି । ସମସ୍ତଙ୍କ ବୟସ ୧୯ରୁ ୨୦ ବର୍ଷ ଭିତରେ ହୋଇଥିବା ପ୍ରାଥମିକ ତଦନ୍ତରୁ ଜଣାପଡିଛି ।
