ବିଜେପି ନେତା ଚୀନ ଦୂତାବାସ ବାହାରେ ଲଗାଇଲେ ପୋଷ୍ଟର, ତାଇୱାନକୁ ଜଣାଇଲେ ‘ଜାତୀୟ ଦିବସ’ର ଶୁଭେଚ୍ଛା l

ସତ୍ୟଶିଖା (ନୂଆଦିଲ୍ଲୀ) ୧୦.୧୦.୨୦୨୦ : ତାଇୱାନ ସହ ବନ୍ଧୁତା ସମ୍ପର୍କ ରଖିଥୁବା ଦେଶ ଉପରେ ଚୀନ ଚିଡ଼ିଥାଏ । ମାତ୍ର ଭାରତ ସହ ତାଇୱାନର ରହିଛି ମଧୁର ସମ୍ପର୍କ । ଆଜି ଅର୍ଥାତ ଅକ୍ଟୋବର ୧୦ ହେଉଛି ତାଇୱାନର ନ୍ୟାସନାଲ ଡେ’ ବା ଜାତୀୟ ଦିବସ । ସାମାଜିକ ଗଣମାଧ୍ୟମରେ ଭାରତବାସୀ ତାଇୱାନକୁ ସମର୍ଥନ କରିଛନ୍ତି । ଏହା ବ୍ୟତୀତ ଦିଲ୍ଲୀରେ ଚୀନା ଦୂତାବାସ ବାହାରେ ତାଇୱାନକୁ ଶୁଭେଚ୍ଛା ଦେଉଥିବା ପୋଷ୍ଟର ଲଗାଇଛନ୍ତି । ଏହା ଦ୍ୱାରା ଚୀନ ଅଧିକ ଚିହିଁକି ଉଠିଛି । ତେବେ ଏ ପୋଷ୍ଟର ଲଗାଇଛନ୍ତି ବିଜେପି ନେତା ତଞ୍ଜିନ୍ଦର ସିଂହ । ଭାରତରେ ଚୀନ ଦୂତାବାସ ଭାରତୀୟ ମିଡିଆକୁ କାର୍ଯ୍ୟକ୍ରମରୁ ଦୂରରେ ରହିବାକୁ କହିଥିଲା l ସେତେବେଳେ ମଧ୍ୟ ତାଇୱାନ ଚୀନକୁ ଏହାର କଡ଼ା ଜବାବ ଦେଇଥିଲା ।ଚାଣକ୍ୟପୁରୀରେ ବିଭିନ୍ନ ସ୍ଥାନରେ ଏଭଳି ପୋଷ୍ଟର ଲାଗିଛି । ଏଥିରେ ଅକ୍ୟୁପାଏଡ ଚୀନର ନକ୍ସା ହୋଇଛି । ଏହା ସହ ବଡ଼ ବଡ଼ ଅକ୍ଷରରେ ତାଇୱାନ ତଳେ ଲେଖା ଯାଇଛି ‘ହ୍ୟାପି ନାସନାଲ ଡେ’। ଚୀନ ଦୂତାବାସ ଶାନ୍ତିପଥରେ ପଡ଼ିଥାଏ । ବହୁତ ଲୋକ ଶାନ୍ତିପଥର ନାଁ ବଦଳାଇ ଦଲାଇଲାମା ପଥ ରଖିବାକୁ ଦାବି କରିଛନ୍ତି । ସୋସିଆଲ ମିଡ଼ିଆରୁ ଭାରତ ତରଫରୁ ଭାରି ସମର୍ଥନ ମିଳିବାରୁ ତାଇୱାନ ବିଦେଶ ମନ୍ତ୍ରାଳୟ ଖୁସି ବ୍ୟକ୍ତ କରିଛନ୍ତି । ସୂଚନାଯୋଗ୍ୟ ଅକ୍ଟୋର ୧୦ରେ ତାଇୱାନ ଜାତୀୟ ଦିବସ ପାଳନ କରେ । ଚୀନ ଏହି ଇଲାକାକୁ ନିଜର ଅଂଶ ବୋଲି କହିଥାଏ ଓ ଚାହେଁ ଅନ୍ୟ ଦୁନିଆ ମଧ୍ୟ ଏମିତି କରୁ ।