ବାର୍ଡ ଫ୍ଲୁ ଭୟ : ଆଇସୋଲେସନରେ କଡକନାଥ କୁକୁଡା

ସତ୍ୟଶିଖା (ନୂଆଦିଲ୍ଲୀ) ୦୫/୦୧/୨୦୨୧ : ଦେଶର ବିଭିନ୍ନ ସ୍ଥାନରେ ବାର୍ଡ ଫ୍ଲୁ ମାମଲା ବଢିବାରେ ଲାଗିଛି । ଦୈନିକ ହଜାର ହଜାର ପକ୍ଷୀଙ୍କୁ ମାରି ଦିଆଯାଉଛି । ଏବେ ରାଜସ୍ଥାନର ଝାବୁଆରେ ପ୍ରସିଦ୍ଧ କଡକନାଥ କୁକୁଡାଙ୍କୁ ଆଇସୋଲେସନରେ ରଖାଯାଇଛି । ଏହାସହ କୁକୁଡାଙ୍କ ରୋଗ ପ୍ରତିରୋଧକ ଶକ୍ତି ବୃଦ୍ଧି ପାଇଁ ଭିଟାମିନ୍ସ ଓ ହଳଦୀର ଇମ୍ୟୁନିଟି ବୁଷ୍ଟର ଡୋଜ୍ ଦିଆଯାଉଛି ।

ଝାବୁଆର କଡକନାଥ କୁକୁଡାଙ୍କ ବାର୍ଡ ଫ୍ଲୁରୁ ରକ୍ଷା କରିବା ପାଇଁ ଏପରି ଆଇସୋଲେସନରେ ରଖାଯାଇଛି । ଜିଲ୍ଲାର କୃଷି ବିଭାଗର ଆଇସୋଲେସନ ସେଣ୍ଟରରେ କୁକୁଡାଙ୍କୁ ରଖାଯାଉଛି । ସରକାରୀଙ୍କ ଦ୍ୱାରା ଜାରି ଗାଇଡଲାଇନ୍ ଅନୁସାରେ, ବାହାରୁ କୌଣସି ପକ୍ଷୀଙ୍କୁ ଅଣାଯାଉ ନାହିଁ । ଏପରିକି ବାହାର ଲୋକଙ୍କୁ ମଧ୍ୟ ଆଇସୋଲେସନ ସେଣ୍ଟରରେ ପ୍ରବେଶ ଅନୁମତି ଦିଆଯାଉ ନାହିଁ ।ଆଇସୋଲେସନ ସେଣ୍ଟରର ମୁଖ୍ୟ ଆଇଏସ ତୋମାର କହିଛନ୍ତି ଯେ, ନିର୍ଦ୍ଦେଶ ଆସିବା ପରେ ସେମାନେ ସତର୍କ ରହିଛନ୍ତି । କୁକୁଡାଙ୍କୁ ଇମ୍ୟୁନିଟି ବୁଷ୍ଟର ଭାବେ ହଳଦୀ, ଭିଟାମିନ୍ ସି, ଡି ଓ ଇ ଦିଆଯାଉଛି । ଏହା ସେମାନଙ୍କୁ ବାର୍ଡ ଫ୍ଲୁ ସହ ଲଢିବା ପାଇଁ ଶକ୍ତି ଯୋଗାଇବ । ସୂଚନାଯୋଗ୍ୟ, ଜୟପୁର, ଇନ୍ଦୋର ଓ କସରାବାଦରେ କିଛି ପକ୍ଷୀଙ୍କ ମୃତ୍ୟୁ ପରେ ବାର୍ଡ ଫ୍ଲୁ ଭୟ ଘାରିଛି । ସାରା ଦେଶରେ ସରକାର ଆଡଭାଇଜରୀ ଜାରି କରିଛନ୍ତି । ଏହାମଧ୍ୟରେ ଝାବୁଆରେ ପ୍ରସିଦ୍ଧ କଡକନାଥ କୁକୁଡାଙ୍କୁ ସୁରକ୍ଷିତ ରଖିବା ପାଇଁ ଆବଶ୍ୟକୀୟ ପଦକ୍ଷେପ ଗ୍ରହଣ କରାଯାଉଛି ।