ନ୍ୟୁଜ୍ରାଜ୍ୟ

ଚିଲିକାରେ ପକ୍ଷୀ ଗଣନା ଆରମ୍ଭ

ସତ୍ୟଶିଖା (ଚିଲିକା )୦୪.୦୧.୨୦୨୨: ଶୀତଦିନେ ଚିଲିକାର ଜଳବାୟୁ ପକ୍ଷୀମାନଙ୍କୁ ସୁହାଉଥିବାରୁ ବିଭିନ୍ନ ସ୍ଥାନରୁ ପକ୍ଷୀମାନେ ଆସିଥାନ୍ତି । ଏଥିପାଇଁ ଚିଲିକା ରେ ବିଦେଶୀ ପକ୍ଷୀଙ୍କୁ ଦେଖିବା ପାଇଁ ପର୍ଯ୍ୟଟକଙ୍କ ଭିଡ ଲାଗିଥାଏ ।  ତେବେ ଚିଲିକାରେ ଆଜିଠୁ ଆରମ୍ଭ ହୋଇଛି ପକ୍ଷୀ ଗଣନା କାର୍ଯ୍ୟ  । ଆଜି ସକାଳ ୬ଟାରୁ ଏହି ଗଣନା ଆରମ୍ଭ ହୋଇଛି ଓ ଏହା ଦିନ ୧୨ଟା ପର୍ଯ୍ୟନ୍ତ ଚାଲିବ ବୋଲି ସୂଚନା ମିଳିଛି । ଚିଲିକାର ୫ଟି ରେଞ୍ଜ ଅଞ୍ଚଳରେ ଆରମ୍ଭ ହୋଇଛି ପକ୍ଷୀ ଗଣନା  ।  ଚିଲିକା ବନ୍ୟପ୍ରାଣୀ ବିଭାଗ ଅଧିନରେ ଥିବା ଟାଙ୍ଗୀ, ସାତପଡା, ନୂଆପଡା, ବାଲୁଗାଁ ଓ ରମ୍ଭା ରେଞ୍ଜର ଅଞ୍ଚଳରେ ପକ୍ଷୀ ଗଣନା ଚାଲିବ । ଏହି ପକ୍ଷୀ ଗଣନା  କାର୍ଯ୍ୟରେ ୨୧ଟି ଟିମ ନିୟୋଜିତ ହୋଇଛନ୍ତି ।

ପକ୍ଷୀ ଗଣନାରେ ମୋଟ ଶହେ ଜଣ ମେମ୍ବରଙ୍କୁ ନିୟୋଜିତ କରାଯାଇଛି  । ୩ଟି ଟିମ୍ ସ୍ଥଳ ଭାଗରେ ପକ୍ଷୀ ଗଣିବା ପାଇଁ ନିୟୋଜିତ ଥିବାବେଳେ ଜଳଭାଗେରେ୧୮ଟ ଟିମ୍ ପକ୍ଷୀ ଗଣନା କରୁଛନ୍ତି । ପ୍ରତି ଟିମରେ ୪ଜଣ ଲେଖାଏଁ ସଦସ୍ୟ ରହିଛନ୍ତି । ବାଇନାକୁଲର, ଜିପିଏସ ମାଧ୍ୟମରେ ଦେଶୀ ଓ ବିଦେଶୀ ପକ୍ଷୀ ଗଣନା କର୍ଯ୍ୟ  ଚାଲିଛି ।

Show More
Back to top button