ଭିଜିଲାନ୍ସ ସ୍କାନରରେ ବିଂରଚିଙ୍କ ସ୍ତ୍ରୀ ଓ ଶଢୁ

ସତ୍ୟଶିଖା(ଭୁବନେଶ୍ୱର) ୦୪.୦୮ .୨୦୨୧:  ଆୟ ବହିର୍ଭୂତ ସମ୍ପତ୍ତି ଠୁଳ ମାମଲାରେ ଗିରଫ ଓଡ଼ିଶା ଷ୍ଟାଫ ସିଲେକ୍ସନ କମିସନ ସଦସ୍ୟଙ୍କ ପିଏସ ବିରଞ୍ଚି ନାରାୟଣ ସାହୁଙ୍କ ସମ୍ପତ୍ତିର ଖୋଳତାଡ଼, ବେଆଇନ ଆୟର ଉତ୍ସ ଓ ନିଯୁକ୍ତି ଜାଲିଆତି ସମ୍ପର୍କରେ ଅଧିକ ତଥ୍ୟ ହାସଲ କରିବା ପାଇଁ ଭିଜିଲାନ୍ସ ତାଙ୍କୁ ୪ ଦିନିଆ ରିମାଣ୍ଡରେ ଆଣିଛି । ଏତେ ବଡ଼ ଦୁର୍ନୀତିରେ ବିରଞ୍ଚି ଯେ ଏକୁଟିଆ ସାମିଲ ନାହାନ୍ତି, ପ୍ରାଥମିକ ତଦନ୍ତରୁ ଏକଥା ଆପାତତଃ ସ୍ପଷ୍ଟ ହୋଇଯାଇଛି । ବିରଞ୍ଚି ଘରୁ ଦେଢ଼ଶହରୁ ଅଧିକ ପରୀକ୍ଷାର୍ଥୀଙ୍କ ଆଡମିଟ କାର୍ଡ ଜବତ ହୋଇଥିବାରୁ ଏହା ପଛରେ ଓଏସଏସସି ଅଫିସର କିଛି ବଡ଼ମୁଣ୍ଡ ସାମିଲ ଥିବା ସନେ୍ଦହ ଘନୀଭୂତ ହୋଇଛି । ତେଣୁ ଏହି ଦୁର୍ନୀତି ରାକେଟର ପର୍ଦ୍ଧାଫାସ ଲାଗି ଭିଜିଲାନ୍ସ ଆଜିଠାରୁ ବିରଞ୍ଚିଙ୍କୁ ମାରାଥନ୍ ଜେରା କରିବ ବୋଲି ଜଣାପଡ଼ିଛି । ଅନ୍ୟପକ୍ଷରେ ବିରଞ୍ଚି, ତାଙ୍କ ପନôୀ ଓ ସଢ଼ୁଙ୍କ ମୋବାଇଲ ଫୋନ୍ କଲ ଡିଟେଲ୍ସ ରେକର୍ଡ(ସିଡିଆର) ବିବରଣୀ ମଧ୍ୟ ଭିଜିଲାନ୍ସ ହାତରେ ଲାଗିଛି । ଏଥିରୁ ତାଙ୍କ ପନôୀ ଓ ସଢ଼ୁ ଚାକିରି ଆବେଦନକାରୀଙ୍କ ସହ ଯୋଗାଯୋଗରେ ରହୁଥିଲେ ବୋଲି ଜଣାପଡ଼ିଛି । ଚାକିରି କରାଇ ଦେବାର ପ୍ରତିଶ୍ରୁତି ଦେଇ ବିରଞ୍ଚି ପରୀକ୍ଷାର୍ଥୀମାନଙ୍କଠାରୁ ବିପୁଳ ଅର୍ଥ ଆଦାୟ କରିଥିବା ସନେ୍ଦହ ଘନୀଭୂତ ହୋଇଛି । ବିରଞ୍ଚିଙ୍କ ପନôୀ ଓ ସଢ଼ୁ ମନୋରଞ୍ଜନ ସାହୁଙ୍କ ସହ ବିରଞ୍ଚିଙ୍କୁ ମୁହାଁମୁହିଁ ଜେରା କରି ଅଧିକ ତଥ୍ୟ ହାସଲ କରିବାକୁ ଯୋଜନା କରିଛି ଭିଜିଲାନ୍ସ । ଏହା ପୂର୍ବରୁ ଦ୍ୱିତୀୟ ଥର ପାଇଁ ତଦନ୍ତକାରୀ ଟିମ ଓଏସ୍ଏସସି ଅଫିସକୁ ଯାଇ ଖୋଳତାଡ଼ କରିଛି । ଓଏସଏସସି ଅଧ୍ୟକ୍ଷ ନିର୍ମଳ ଚନ୍ଦ୍ର ମିଶ୍ରଙ୍କ ସହ ଦୀର୍ଘ ଦୁଇ ଘଣ୍ଟା ଧରି ରୁଦ୍ଧଦ୍ୱାର ବୈଠକ କରିଛି । ଏହି ଆଲୋଚନାବେଳେ ବିରଞ୍ଚି ଓ ତାଙ୍କ କଳା କାରନାମା ସମ୍ପର୍କରେ ଅଧିକ ତଥ୍ୟ ମିଳିଥିବା କୁହାଯାଉଛି । ବିରଞ୍ଚିଙ୍କୁ ଜେରା ବେଳେ ଏ ସବୁର ଗୁମର ଖୋଲିବ ବୋଲି କୁହାଯାଉଛି ।