ଗ୍ରାହକଙ୍କୁ କୃତଜ୍ଞତା‌ ଜଣାଇଲା‌ ବିଗ୍ ବଜାର

ସତ୍ୟଶିଖା (ଭୁବନେଶ୍ୱର) ୨୩/୦୧/୨୦୨୧ : ମହାମାରୀ ସମୟରେ ଗ୍ରାହକମାନଙ୍କ ଆବଶ୍ୟକତା ପୂରଣ କରିବାରେ ବିଗ୍ ବଜାର ପ୍ରମୁଖ ଭୂମିକା ନେଇଥିଲା । ଏହି ଆହ୍ବାନପୂର୍ଣ୍ଣ ସମୟରେ କଂପାନି ଗ୍ରାହକଙ୍କ ଠାରୁ ନିରନ୍ତର ସମର୍ଥନ ପାଇଥିଲା । ସେଥିପାଇଁ ସେମାନଙ୍କୁ କୃତଜ୍ଞତା ଜଣାଇବା ଲାଗି ବିଗ୍ ବଜାର ତରଫରୁ ଆଭାର ଡେ’ (କୃତଜ୍ଞତା ଦିବସ) ପାଳନ କରାଯାଇଛି । ସମସ୍ତ ବିଗ୍ ବଜାର ଷ୍ଟୋର୍‌ରେ ଏହି ଉତ୍ସବ ପାଳନ କରାଯାଇଥିଲା । ଷ୍ଟୋର୍‌ର କର୍ମଚାରୀମାନେ ଗ୍ରାହକମାନଙ୍କୁ ମଥାରେ ତିଳକ ଲଗାଇ ସ୍ଵାଗତ କରିଛନ୍ତି । ବିଗ୍‌ ବଜାର ତରଫରୁ ଚଳିତ ମାସ ୨୬ରୁ ୩୧ ତାରିଖ ପର୍ଯ୍ୟନ୍ତ ସବ୍‌ସେ ଶସ୍ତେ ୬ ଦିନ୍‌ ଅଫର ପ୍ରଦାନ କରାଯିବ । ଏହି ଅବସରରେ କଂପାନିର ସୁଦୀପ୍ତ ମହାନ୍ତି ଓ ବିଶ୍ୱଜିତ ଦାସ କହିଛନ୍ତି ଯେ ଆମକୁ ସେବା ଦେବାର ସୁଯୋଗ ଦେଇଥିବା ଓ ସହଯୋଗ କରିଥିବା ଗ୍ରାହକମାନଙ୍କୁ କୃତଜ୍ଞତା ଜଣାଇବା ଲାଗି ଆଭାର ଡେ’ ହେଉଛି ଏକ ଛୋଟ ଉଦ୍ୟମ ।