ଅର୍ଗାନ୍ ଡୋନେଟ୍ କରିବାକୁ ନିଷ୍ପତ୍ତି ନେଇଛନ୍ତି ବିଗ୍ ବି l

ସତ୍ୟଶିଖା (ମୁମ୍ବାଇ) ୩୦/୦୯/୨୦୨୦ : ବଲିଉଡ ମହାନାୟକ ଅମିତାଭ୍ ବଚ୍ଚନ ସୋସିଆଲ୍ ମିଡ଼ିଆରେ ବହୁତ ଆକ୍ଟିଭ୍ ରୁହନ୍ତି । ସୋସିଆଲ୍ ମିଡ଼ିଆରେ ସେ ସବୁବେଳେ ନିଜ ଫଟୋ ସହିତ ନିଜ ପିତାଙ୍କ ପଂକ୍ତି ମଧ୍ୟ ସେୟାର କରନ୍ତି ଯାହାକୁ ପଢି ପ୍ରଶଂସକ ବହୁତ ଖୁସି ହୁଅନ୍ତି । କରୋନା ଭାଇରସ୍ ଯୋଗୁଁ ଲାଗୁ ହୋଇଥିବା ଲକଡାଉନ୍ ସମୟରେ ସେ ମହାରାଷ୍ଟ୍ରରେ ଫସି ରହିଥିବା ଉତ୍ତର ପ୍ରଦେଶର ପ୍ରବାସୀ ଶ୍ରମିକଙ୍କୁ ବିମାନ ଓ ବସ ଯୋଗେ ସୁରକ୍ଷିତ ସେମାନଙ୍କ ଘରକୁ ପଠାଇଥିଲେ । ବିଗ୍ ବି ଅମିତାଭ୍ ପୁଣି ଏକ ବଡ ନିଷ୍ପତ୍ତି ନେଇଛନ୍ତି । ସେ ନିଜ ଅର୍ଗାନ୍ ଦାନ ଜାରିବାକୁ ଘୋଷଣା କରିଛନ୍ତି । ସୋସିଆଲ୍ ମିଡ଼ିଆ ଜରିଆରେ ସେ ଏହି ସୂଚନା ଦେଇଛନ୍ତି ।ଅମିତାଭ ବଚ୍ଚନ ଏକ ଟ୍ୱିଟ କରିଛନ୍ତି । ସେ ନିଜର ଏକ ଫଟୋ ପୋଷ୍ଟ କରିଛନ୍ତି । ଫଟୋରେ ସେ ପିନ୍ଧିଥିବା କୋଟରେ ଏକ ଛୋଟ ସବୁଜ ରଙ୍ଗର ଫିତା ରହିଛି । ଏହି ଫଟୋ ସେୟାର କରି ବିଗ ବି ଲେଖିଛନ୍ତି, “ମୁଁ ଅର୍ଗାନ୍ ଡୋନର୍ ହେବାକୁ ଶପଥ ନେଇଛି । ଏହି ସବୁଜ ଫିତା ମୁଁ ଏହାର ପବିତ୍ରତା ପାଇଁ ପିନ୍ଧିଛି ।”