ନନ୍ଦନକାନନକୁ ଆସିଲେ ଭାଲୁ, ଚିତ୍ରାହରିଣ ଓ ହାଡ଼ଗିଳା ଚଢେଇ

ସତ୍ୟଶିଖା( ଭୁବନେଶ୍ୱର )୦୫.୦୫.୨୦୨୨ : ରାଜ୍ୟର ବିଭିନ୍ନ ସ୍ଥାନରୁ ନନ୍ଦନକାନନ ପ୍ରାଣୀ ଉଦ୍ୟାନକୁ ଆସିଛନ୍ତି ୩ ନୂଆ ଅତିଥି । କୋରାପୁଟ ଜୟପୁରରୁ ଭାଲୁ, ଚିଲିକା ବନଖଣ୍ଡରୁ ଚିତ୍ରା ହରିଣ ଓ ସୁନ୍ଦରଗଡ଼ ବଣେଇରୁ ଆସିଛି ହାଡ଼ଗିଳା ଚଢ଼େଇ । ଜୟପୁରରୁ ଆସିଥିବା ଭାଲୁଟି କିଛିଦିନ ତଳେ ଆହତ ହୋଇଥିବାରୁ ତାକୁ ବନ ବିଭାଗ ଉଦ୍ଧାର କରି ଓୟୁଏଟି ପଠାଇଥିଲା । ସେଠାରେ ତାର ଚିକିତ୍ସା ପରେ ନନ୍ଦନକାନନ ଅଣାଯାଇଛି। ସେହିପରି ଚାଲି ପାରୁନଥିବା ଏକ ଚିତ୍ରା ହରିଣକୁ ଉଦ୍ଧାର କରି ଚିଲିକା ବନବିଭାଗ ନନ୍ଦନକାନନ ପଠାଇଥିବାବେଳେ ବଣେଇ ବନବିଭାଗ ଏକ ହାଡ଼ଗିଳା ଚଢେଇ ଆଣି ପ୍ରାଣୀ ଉଦ୍ୟାନରେ ଛାଡ଼ିଛନ୍ତି। ଶିକାରୀ ତୀରରେ ଚଢ଼େଇ ବେକରେ ଆଘାତ ଲାଗିଥିବା ପଶୁ ଚିକିତ୍ସକ କହିଛନ୍ତି । ଏହି ତିନି ପଶୁପକ୍ଷୀଙ୍କ ଚିକିତ୍ସା ପାଇଁ ସ୍ୱତଦନ୍ତ ବ୍ୟବସ୍ଥା କରାଯାଇଥିବା ରକ୍ଷଣାବେକ୍ଷଣ ପାଇଁ ନାନା ସୁବିଧା ଯୋଗାଇ ଦିଆଯାଇଛି ।