କଲୋନୀରେ ବଙ୍ଗୀୟ ଯୁବତୀଙ୍କ ଉତ୍ପାତ: ମୁହଁ ଖୋଲିଲେ ମହିଳାମାନେ, କହିଲେ, ‘ପିଲାଛୁଆଙ୍କୁ ଧରି ରହିବା କଷ୍ଟକର’ l


ସତ୍ୟଶିଖା (ସୁବର୍ଣ୍ଣପୁର) ୦୮.୧୦.୨୦୨୦ : କଲୋନୀରେ ଦେହ ବେପାର । ଉକ୍ତ କଲୋନୀରେ ରହୁଥିବା ମହିଳାମାନେ ଏଭଳି ଅଭିଯୋଗ ଆଣିଛନ୍ତି । ମିଳିଥିବା ସୂଚନା ମୁତାବକ, କିଛିଦିନ ତଳେ ବାହାର ରାଜ୍ୟରୁ ଦେହଜୀବିମାନେ ଆସି ସୋନପୁର ସହରରେ ଦେହ ବେପାର କରୁଥିବା ପୋଲିସ୍ର ନଜରକୁ ଆସିଥିଲା । ଏ ନେଇ ଦୁଇ ବଙ୍ଗୀୟ ଯୁବତୀଙ୍କ ସହ ଜଣେ ଦଲାଲଙ୍କୁ ପୋଲିସ ଥାନାରେ ଅଟକ ରଖି ପଚରାଉଚାର ମଧ୍ୟ କରିଥିଲା । ସେହି ଘଟଣାର କିଛିଦିନ ପରେ ପୁଣି ସମାନ ଆଭିଯୋଗ ଆସିଛି । ସୋନପୁର ସହରର ସ୍ପିନିଂ ମିଲ୍ର ଏଫ୍ କଲୋନୀରେ ଦେହ ବେପାର ଚାଲିଥିବା ମହିଳାମାନେ ସୋନପୁର ଥାନାରେ ଅଭିଯୋଗ କରିଛନ୍ତି । ପୂର୍ବରୁ ଏହି ଘଟଣାକୁ ଯେଉଁମାନେ ବିରୋଧ କରୁଥିଲେ, ସେମାନଙ୍କୁ ଧମକ ଚମକ ମିଳୁଥିବା ଅଭିଯୋଗ ମଧ୍ୟ ହୋଇଛି । ଶେଷରେ ମହିଳାମାନେ ସୋନପୁର ଥାନାର ଦ୍ବାରସ୍ଥ ହୋଇ ଏକ ଲିଖିତ ଅଭିଯୋଗ କରିଛନ୍ତି । କଲୋନୀରେ ଏମିତି ହେଲେ, ପିଲାଛୁଆଙ୍କୁ ଧରି ରହିବା କଷ୍ଟକର ବୋଲି ମହିଳାମାନେ କହିଛନ୍ତି । ଏହି ଘଟଣାକୁ ସ୍ଥାନୀୟ ଅଞ୍ଚଳରେ ନିନ୍ଦା କରାଯାଇଛି ।