ଭିକ ବଦଳାଇଲା ଭାଗ୍ୟ: ଭିକରେ ମିଳିଥିବା ଲଟେରି ଟିକେଟରୁ ୪ ଜଣ ଭିକାରି ଜିତିଲେ ୪୩ ଲକ୍ଷ ଟଙ୍କା l

ସତ୍ୟଶିଖା (ନୂଆଦିଲ୍ଲୀ) ୧୦.୧୦.୨୦୨୦ : ମଣିଷ ଭାଗ୍ୟ କେତେ ବେଳେ ବଦଳିଯିବ କିଛି କହି ହେବ ନାହିଁ । ଏମିତି କଛି ଘଟଣା ଘଟିଛି ଫ୍ରାନ୍ସର ଚାରିଜଣ ଭିକାରିଙ୍କ ସହିତ । ଦିନେ ସେମାନଙ୍କ ପାଖରେ ଖାଇବାକୁ ଟଙ୍କା ନ ଥିଲା ଏବେ କିନ୍ତୁ ଆନନ୍ଦରେ ତାଙ୍କର ପ୍ରତିଟି ଦିନ ଅତିବାହିତ ହେବ । ରାତାରାତି ସେମାନେ ଭିକାରିରୁ ହୋଇଯାଇଛନ୍ତି ଲକ୍ଷପତି । ତେବେ ଏମିତି କିଛି କମାଲ କରିଛି ଲଟେରି ।ଚାରିଜଣ ଭିକାରି ଫ୍ରାନ୍ସର ବ୍ରେଷ୍ଟ ସହରରେ ରହନ୍ତି । ସେମାନଙ୍କ ଆର୍ଥିକ ସ୍ଥିତି ଅତ୍ୟନ୍ତ ଖରାପ । ସେମାନେ ଲଟେରି ଦୋକାନ ସାମ୍ନାରେ ଭିକ ମାଗୁଥିଲେ । ସେହି ସମୟରେ ସେଠାକୁ ଜଣେ ଲୋକ ଆସି ଚାରି ଜଣଙ୍କୁ ଭିକ ବାବଦରେ ଗୋଟିଏ ଗୋଟିଏ ସ୍କ୍ରାଚକାର୍ଡ (ଲଟେରି) ଦେଲେ । ସୂଚନା ଅନୁସାରେ ସେହି ଚାରିଜଣଙ୍କ ପାଖରେ ଟଙ୍କା ନ ଥିଲା ସେଥିପାଇଁ ସେମାନେ ସହର ଛାଡ଼ି ଯିବାକୁ ବାହାରି ଥିଲେ ।
ପ୍ରଥମେ ସେମାନେ ଲଟେରିକୁ ଅଣଦେଖା କରିଥିଲେ । ପ୍ରଥମେ ପାଞ୍ଚ ୟୁରୋର ଲଟେରି ଲାଗିଥିବା କୁହାଯାଉ ଥିଲା ମାତ୍ର ପରେ ଜଣାପଡ଼ିଲା ୫୦ ହଜାର ୟୁରୋର ଲଟେରି ଲାଗିଛି । ଭାରତୀୟ ମୂଲ୍ୟରେ ଏହା ପ୍ରାୟ ୪୩ ଲକ୍ଷ ଟଙ୍କା । ଏତେ ଟଙ୍କା ଲଟେରି ଜିତିବା ପରେ ସେମାନଙ୍କ ଖୁସି ବୟାନ କରିପାରି ନାହାନ୍ତି । ପରେ ଚାରିଜଣ ଯାକ ପରସ୍ପର ମଧ୍ୟରେ ସେହି ଟଙ୍କା ବାଣ୍ଟିଛନ୍ତି । ସୂଚନାଯୋଗ୍ୟ ଏଭଳି ସମାନ ତଥା ଅବିଶ୍ବନୀୟ ଘଟଣା ଆମେରିକାର ଭର୍ଜିନିଆରୁ ଆସିଛି । ସେଠାରେ ଜଣେ ବ୍ୟକ୍ତି ୨୫ଟି ଲଟେରି ଟିକେଟ୍ କିଣି ଥିଲେ ଓ ସେ ସମସ୍ତ ଲଟେରି ଜିତିଛନ୍ତି । ଯାହାର ମୂଲ୍ୟ ୧.୨୫ ଲକ୍ଷ ଟଙ୍କା ।