ସତ୍ୟଶିଖା (ମାଲକାନଗିରି) ୨୧.୦୨.୨୦୨୨: ଆସନ୍ତାକାଲି ମାଲକାନଗିରି ସ୍ୱାଭିମାନ୍ ଅଞ୍ଚଳରେ ପଞ୍ଚାତୟ ନିର୍ବାଚନ ପାଇଁ ଭୋଟ୍ ଗ୍ରହଣ ହେବାକୁ ଯାଉଛି । ଯାହାକୁ ନେଇ ଜିଲ୍ଲା ପୋଲିସ୍ ପକ୍ଷରୁ ସବୁ ବୁଥ୍ରେ ସୁରକ୍ଷା ବ୍ୟବସ୍ଥାକୁ ମଧ୍ୟ କଡାକଡି କରାଯାଇଛି ।
ଏପଟେ ନିର୍ବାଚନ ପୂର୍ବରୁ ମାଓଗଡ଼ରେ ଜୋରଦାର ଚାଲିଛି ସର୍ଚ୍ଚ ଅପରେସନ୍ । ନିର୍ବାଚନକୁ ଦୃଷ୍ଟିରେ ରଖି ପୁରା ଅଞ୍ଚଳରେ ବିଏସଏଫ, ଡିଭିଏଫ ଓ ଏସଓଜି ତରଫରୁ ପ୍ରତିଦିନ କମ୍ବିଂ ଅପରେସନ କରାଯାଉଛି ।
ତେବେ ଏଠାରେ ଜବାନ ମାନଙ୍କ ତରଫରୁ ଯୋଡାମ୍ବ ଥାନା ଅନ୍ତର୍ଗତ ଯନ୍ତ୍ରୀ ପଞ୍ଚାୟତର ନଦମେଞ୍ଜରୀ ଗ୍ରାମ ନିକଟ ଜଙ୍ଗଲରେ କମ୍ବିଂ କରୁଥିବା ବେଳେ ମାଓବାଦୀଙ୍କ ଦ୍ୱାରା ପୋତା ହୋଇଥିବା ବିପୁଳ ପରିମାଣର ମାଓ ସାମଗ୍ରୀ ଜବତ୍ ହୋଇଥିବା ସୂଚନା ମିଳିଛି । ଆଜି ଏହା ବାବଦରେ ମାଲକାନଗିରି ଏସପି ପ୍ରେସମିଟ୍ କରି ସୂଚନା ଦେଇଛନ୍ତି । ଓ ଲୋକମାନଙ୍କୁ ଭୟବିତ ନହୋଇ ନିଜ ମତ ସାବ୍ୟସ୍ତ କରିବାକୁ ଅପିଲ କରିଛନ୍ତି ।
