କଦଳୀ ମାଲପୁଆ

ପ୍ରସ୍ତୁତି ପ୍ରଣାଳୀ- ପ୍ରଥମେ  ପାଚିଲା କଦଳୀର ଚୋପା ଛଡେଇ ଏକ ପାତ୍ରରେ ନେଇ ତାକୁ ଭଲଭାବେ ଚକଟି ମିକ୍ସ କରିବେ । ତାପରେ ସେଥିରେ ମଇଦା, ସୁଜି ଏବଂ କ୍ଷୀର ପକାଇ ଏକ ବହଳିଆ ପେଷ୍ଟ ପ୍ରସ୍ତୁତ କରିବେ । ତାପରେ ସେଥିରେ ଫ୍ରେଶ କ୍ରୀମ୍ ଏବଂ ଅଳ୍ପ ପାଣି ଢାଳି ପକାଇ ମିକ୍ସ କରିବେ । ଏହାପରେ ସେଥିରେ ଅଳ୍ପ ଗୋଲମରିଚ  ଗୁଣ୍ଡ, ପାନମଧୁରୀ ପାଉଡର, ବେକିଂ ପାଉଡର, ଚିନି ଗୁଣ୍ଡ ପକାଇ ଭଲଭାବେ ଗୋଳାଇବେ । ଦେଖିବେ ଯେପରି ପେଷ୍ଟରେ ଗୋଟଳି ରହି ନଯାଏ । ତାପରେ  ପ୍ରସ୍ତୁତ ପେଷ୍ଟକୁ ଘୋଡାଇ ୨୫ ରୁ ୩୦ ମିନିଟ ଯାଏଁ ରଖିବେ । ଏହାପରେ ଗ୍ୟାସରେ  କଡେଇ ବସେଇ ଚିନି ଏବଂ ପାଣି ପକାଇ ଗୋଳାଇବେ । ମଧ୍ୟମ ଆଚରେ ଏହାକୁ ବସେଇ ଫୁଟାଇବେ । ଏହା ଫୁଟି ଆସିଲେ ସେଥିରେ କେଶର ଏବଂ ଗୁଜୁରାତି ଗୁଣ୍ଡ  ପକାଇ ମିକ୍ସ କରିବେ । ଦେଖିବେ ଚିନି ଶିରା ପ୍ରସ୍ତୁତ ହୋଇ ଆସିଲେ, ସେଥିରେ ସାମାନ୍ୟ ଲେମ୍ବୁ ରସ ପକାଇ ଗ୍ୟାସ୍ ବନ୍ଦ କରି ତାକୁ ଥଣ୍ଡା ହେବାକୁ ଛାଡିବେ । ଏହାପରେ ଗ୍ୟାସରେ ପ୍ୟାନ ବସେଇ ତେଲ ପକାଇବେ । ତେଲ ଗରମ ହେବା ପରେ ସେଥିରେ ପ୍ରସ୍ତୁତ କରିଥିବା ମିଶ୍ରଣକୁ ଆଣି ଏକ ଛୋଟ ଚାମଚ ସାହାଯ୍ୟରେ ଅଳ୍ପ ଅଳ୍ପ ନେଇ ଗୋଲ କରି ଢାଳିବେ ।  ମଧ୍ୟମ ଆଂଚରେ ଏହାକୁ ବସାଇବେ । ଦେଖିବେ ଗୋଟେ ପାଖ ଗୋଲ୍ଡେନ କଲର ହେବା ପରେ, ତାକୁ ଲେଉଟାଇବେ । ଦେଖିବେ ଉଭୟ ପାଖ ଗୋଲ୍ଡେନ କଲର ହେବାପରେ, ଗ୍ୟାସ ବନ୍ଦ କରି ପ୍ରସ୍ତୁତ କରିଥିବା ଶିରାରେ ପକାଇ କିଛି ସମୟ ଛାଡିବେ ।  ପ୍ରସ୍ତୁତ ହୋଇଗଲା କଦଳୀ ମାଲପୁଆ । ଦେଖିବେ ଏହା ନରମ ହୋଇଯିବା ପରେ, ତା ଉପରେ କଟା କାଜୁ ପକାଇ ଏହାର ମଜା ନେଇ ପାରିବେ ।