ସତ୍ୟଶିଖା(ଭୁବନେଶ୍ୱର) ୧୦ .୦୫.୨୦୨୧: କରୋନା ଭୂତାଣୁରେ ପ୍ରତ୍ୟେକ ଦିନ ଲକ୍ଷାଧିକ ଲୋକେ ସଂକ୍ରମିତ ହେଉଛନ୍ତି। ହଜାର ହଜାର ନିଜର ଜୀବନ ହାରୁଛନ୍ତି। ଏହାସହ ଲକ୍ଷ ଲକ୍ଷ ଲୋକେ ସଂକ୍ରମଣରୁ ମୁକ୍ତ ମଧ୍ୟ ହୋଇ ସୁସ୍ଥ ହେଉଛନ୍ତି। ମାତ୍ର ଭୂତାଣୁ ଶରୀର ଅନେକ ମାତ୍ରାରେ ପ୍ରଭାବ ପକାଉଥିବାରୁ ଅନେକ ଦିନ ପର୍ଯ୍ୟନ୍ତ ଦୁର୍ବଳ ଅନୁଭବ ହୋଇଥାଏ। ସଂକ୍ରମଣରୁ ସୁସ୍ତ ହେଉଥିବା ଲୋକେ ଔଷଧ ଖାଇବା ସହ ନିଜ ଖାଦ୍ୟପେୟ ପ୍ରତି ବିଶେଷ ଧ୍ୟାନ ରଖିବା ନିତ୍ୟାନ୍ତ ଆବଶ୍ୟକ। ଯାହା ଦ୍ୱାରା ରୋଗ ପ୍ରତିରୋଧକ ଶକ୍ତି ବୃଦ୍ଧି ହୋଇପାରିବ। ଜାଣନ୍ତୁ କିଛି ସ୍ୱତନ୍ତ୍ର ଉପାୟ ବିଷୟରେ….
କରୋନାରୁ ସୁସ୍ଥ ହେବା ସମୟରେ ପାକେଟ ପ୍ରସ୍ତୁତ ଖାଦ୍ୟରୁ ନିଜକୁ ଦୂରେଇ ରଖନ୍ତୁ। ଏଥିରେ ଥିବା କେମିକାଲ ରୋଗ ପ୍ରତିରୋଧକ ଶକ୍ତିକୁ ଦୁର୍ବଳ କରିଥାଏ। ଏହାସହ ସ୍ୱାସ୍ଥ୍ୟ ଜନିତ ଅନେକ ସମସ୍ୟା ବୃଦ୍ଧି କରିଥାଏ।
ଡ଼ାକ୍ତର ଓ ବିଶେଷଜ୍ଞଙ୍କ ମତରେ ସମ୍ପୂର୍ଣ୍ଣ ସାଧା ଭୋଜନ ଗ୍ରହଣ କରନ୍ତୁ। ମସଲାଯୁକ୍ତ ଖାଦ୍ୟରୁ ନିଜକୁ ଦୂରେଇ ରଖନ୍ତୁ। ଏହତ୍ସ୍ୱାସ୍ଥ୍ୟ ପାଇଁ କ୍ଷତିକାରକ। ପେଟ ପାଇଁ କ୍ଷତିକାରକ ହେବା ସହ ଗଳା ପାଇଁ ଉତ୍ତମ ନୁହେଁ। ଖାଦ୍ୟ ହଜମରେ ସମସ୍ୟା ଦେଖାଦେଇଥାଏ।
କରୋନାରୁ ସୁସ୍ଥ ହେବା ସମୟରେ ଛଣାଛଣି ଓ ପୋଡା ଖାଦ୍ୟ ଖାଆନ୍ତୁ ନାହିଁ। ଏହା ମଧ୍ୟ ରୋଗ ପ୍ରତିରୋଧକ ଶକ୍ତିକୁ ଦୁର୍ବଳ କରିଥାଏ। ଖାଦ୍ୟ ହଜମରେ ସମସ୍ୟା ସୃଷ୍ଟି ହୋଇଥାଏ।
ମୃଦୁ ପାନୀୟ , ମିଠା ଖାଦ୍ୟ, ଅଧିକ ମାତ୍ରାରେ ଚିନି ଖାଇବା ଉଚିତ ନୁହେଁ। ଏହାବଦଳରେ ଲେମ୍ବୁପାଣି ପିଇପାରିବେ।
