ବ୍ରିଜ ତଳକୁ ଅଟୋ ଖସି ଚାଳକ ମୃତ

ସତ୍ୟଶିଖା (ଭୁବନେଶ୍ୱର) ୧୩.୧୧.୨୦୨୩ : ବ୍ରିଜ ତଳକୁ ଅଟୋ ଖସି ଯାତ୍ରୀବାହୀ ଚାଳକ ମୃତ। ଫିରିଙ୍ଗିଆ ଥାନା ଅନ୍ତର୍ଗତ ବନ୍ଧଗଡ଼ ତେଲିମୁଣ୍ଡା ନିକଟ ବ୍ରିଜର ୨୦ଫୁଟ ତଳକୁ ଖସିଲା ଅଟୋ। ମୃତକ ହେଲେ ରତଙ୍ଗ ପଞ୍ଚାୟତ ଡେଲାପଦର ଗ୍ରାମର କାର୍ତ୍ତିକ ମାଝୀଙ୍କ ପୁଅ ସିଦ୍ଧାନ୍ତ ମାଝୀ (୨୨) l ସିଦ୍ଧାନ୍ତ ଗତକାଲି ରାତି ୮ଟାରେ ଭଡ଼ା ସୂତ୍ରରେ ନିଜ ଅଟୋରେ କିଛି ଯାତ୍ରୀଙ୍କୁ ନେଇ ନୂଆପଦରରେ ହେଉଥିବା  କାଳୀ ପୂଜା ଯାତ୍ରାକୁ ଯାଇଥିଲେ। କିନ୍ତୁ  ବିଳମ୍ବିତ ରାତି ପର୍ଯ୍ୟନ୍ତ ସେ ଘରକୁ ଫେରି ନଥିଲେ ଆଜି ସକାଳୁ ବନ୍ଧ ଗଡ଼ ନିକଟ ତେଲିମୁଣ୍ଡା ବ୍ରିଜ ତଳେ ପାଣି ଭିତରେ ଏକ ଅଟୋ ବୁଡ଼ି ରହିଥିବା ଦେଖିବାକୁ ମିଳିଥିଲା।