ସତ୍ୟଶିଖା( ଆଠଗଡ଼)୧୦.୦୮ . ୨୦୨୨: ସଂପ୍ରତି ରାଜ୍ୟ ଉଚ୍ଚମାଧ୍ୟମିକ ଶିକ୍ଷା ପରିଷଦ ପକ୍ଷରୁ ସୋମବାର ପ୍ରକାଶିତ ଚଳିତ ବର୍ଷର +୨ କଳା ପରୀକ୍ଷା ଫଳରୁ ଆଠଗଡ଼଼ ସହରର ଝିଅ କଟକସ୍ଥିତ ଶୈଳବାଳା ମହିଳା କଲେଜରେ ସର୍ବୋଚ୍ଚ ନମ୍ବର ରଖି ପ୍ରଥମ ସ୍ଥାନ ଅଧିକାର କରିଥିବା ଜଣାପଡ଼ିଛି। ବୀରକିଶୋରପୁର ଅଞ୍ଚଳର ଝିଅ ଲିପସାରାଣୀ ସାହୁ ଶୈଳବାଳା ମହିଳା କଲେଜର ଛାତ୍ରୀଭାବେ +୨ କଳା ପରୀକ୍ଷାରେ ମୋଟ ୬୦୦ ରୁ ୫୪୫ନମ୍ବର (୯୦.୮୩%) ରଖି ଉକ୍ତ କଲେଜର ଟପ୍ପର ହୋଇଥିବା ଜଣାପଡ଼ିବା ପରେ ବିଭିନ୍ନ ମହଲରୁ ତାଙ୍କୁ ଅଭିନନ୍ଦନର ସୁଅ ଛୁଟିଛି। ବୀରକିଶୋରପୁରର ପ୍ରଦୀପ କୁମାର ସାହୁଙ୍କ ଝିଅ ଲିପ୍ସାରାଣୀ ଆଠଗଡ଼଼ ସରକାରୀ ବାଳିକା ହାଇସ୍କୁଲରୁ ମାଟ୍ରିକରେ ପ୍ରଥମ ଶ୍ରେଣୀରେ ପାସ କରିବା ପରେ ଶୈଳବାଳା ମହିଳା କଲେଜରେ ଅଧ୍ୟୟନ କରୁଥିଲେ। ଦିନକୁ ପ୍ରାୟ ୬-୭ଘଣ୍ଟା ପାଠ ପଢ଼଼ାରେ ପରିଶ୍ରମ କରି ଏହି ସଫଳତା ପାଇଛନ୍ତି ଏବଂ ଭବିଷ୍ୟତରେ ଭାରତୀୟ ପ୍ରଶାସନିକ ସେବା ଅଧିକାରୀ ହେବାର ଲକ୍ଷ୍ୟ ରଖିଥିବା ଲିପ୍ସାରାଣୀ ତାଙ୍କ ପ୍ରତିକ୍ରିୟାରେ ପ୍ରକାଶ କରିଛନ୍ତି।
