ସତ୍ୟଶିଖା(ସୁନ୍ଦରଗଡ ) ୦୫.୦୧.୨୦୨୨ : ରାଜ୍ୟରେ କରୋନାରେ ସଂକ୍ରମଣ ତିବ୍ର ଗତିରେ ଗତ ୪ ଦିନ ହେବ ବୃଦ୍ଧି ପାଇଛି । ସୁନ୍ଦରଗଡର ଜବାହାର ନବୋଦୟ ବିଦ୍ୟାଳୟରେ ୩୬ ଜଣ ଛାତ୍ରଛାତ୍ରୀ ସଂକ୍ରମିତ ଚିହ୍ନଟ ହୋଇଛନ୍ତି । ସଂକ୍ରମିତମାନେ ବର୍ତ୍ତମାନ ଆଇସୋଲେସନରେ ଅଛନ୍ତି।
ସୂଚନା ମୁତାବକ ବିଦ୍ୟାଳୟର ୧୫ ଜଣ ଶିକ୍ଷାର୍ଥି ଗତକାଲି କରୋନା ପରୀକ୍ଷା କରିଥିଲେ । ସେମାନଙ୍କ ମଧ୍ୟରୁ ୯ ଜଣ ସଂକ୍ରମିତ ଚିହ୍ନଟ ହୋଇଥିଲେ । ପରେ ଏକ ମେଡିକାଲ ଟିମ୍ ବିଦ୍ୟାଳୟରେ ପହଁଞ୍ଚି ସମସ୍ତ କ୍ଷିକ୍ଷାର୍ଥଙ୍କର କରୋନା ପରୀକ୍ଷା କରିଥିଲେ ।
ସେପଟେ ରାଜ୍ୟରେ ଆଜି କରୋନା ସଂକ୍ରମଣରେ ବିସ୍ପୋରଣ ଘଟିଛି । ରାଜ୍ୟରେ ଗତ ୨୪ ଘଣ୍ଟାରେ ୧୨୧୬ କରୋନା ସଂକ୍ରିତ ଚିହ୍ନଟ ହୋଇଛନ୍ତି । ସେହିଭଳି ଦୁଇ ଜଣଙ୍କର ମୃତ୍ୟୁ ହୋଇଛି । ଏମାନଙ୍କ ମଧ୍ୟରୁ ୧୮୭ ଜଣ ୧୮ ବର୍ଷରୁ କମ୍ କିଶୋର ଅଟନ୍ତି ।
ରାଜ୍ୟରେ ବର୍ତ୍ତମାନ ସୁଦ୍ଧା ମୋଟ୍ ୧୦୫୭୮୭୬ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ୩୯୮୧ଟି ଆକ୍ଟିଭ୍ କେସ୍ ରହିଥିବା ବେଳେ ୧୦୪୫୩୭୬ଜଣ ସୁସ୍ଥ ହୋଇଛନ୍ତି। ଏବେ ସୁଦ୍ଧା ରାଜ୍ୟରେ ୨୫୮୨୧୬୯୭ ସାମ୍ପୁଲ ଟେଷ୍ଟ୍ ହୋଇଛି।
ଗତକାଲି ରାଜ୍ୟରେ ମୋଟ ୬୮,୮୭୮ ନମୁନା ପରୀକ୍ଷା ହୋଇଥିବାବେଳେ ଟେଷ୍ଟ୍ ପଜିଟିଭିଟି ରେଟ୍ (ଟିପିଆର) ୧.୭୬% ରେ ରହିଛି ।
