ଆଶୁତୋଷ ରାଣାଙ୍କୁ ଏହିଭଳି ମିଳିଥିଲା ‘ଲଜ୍ଜା ଶଙ୍କର ପାଣ୍ଡେ’ ଚରିତ୍ର

ସତ୍ୟଶିଖା (ମୁମ୍ବାଇ) ୧୦/୧୧/୨୦୨୦ : ବଲିଉଡର ବରିଷ୍ଠ ଅଭିନେତା ଆଶୁତୋଷ ରାଣାଙ୍କର ଆଜି ୫୩ତମ ଜନ୍ମଦିନ । ୧୯୬୭ ନଭେମ୍ବର ୧୦ ତାରିଖରେ ମଧ୍ୟ ପ୍ରଦେଶ ଗାଡରବାରାରେ ଜନ୍ମ ହୋଇଥିଲେ ଆଶୁତୋଷ ରାଣା । ୧୯୯୬ ମସିହାରୁ ଏବେ ସୁଦ୍ଧା ଆଶୁତୋଷ ରାଣା ଫିଲ ଜଗତରେ ସକ୍ରିୟ ଅଛନ୍ତି । ବଲିଉଡରେ ନେଗେଟିଭ ଚରିତ୍ର ପାଇଁ ସେ ବହୁତ ଲୋକପ୍ରିୟ | ୧୯୯୯ ମସିହାରେ ତାଙ୍କ ଅଭିନୀତ ଫିଲ୍ମ ‘ସଂଘର୍ଷ’ ତାଙ୍କୁ ବହୁତ ଲୋକପ୍ରିୟତା ଦେଇଥିଲା | ଏହି ଫିଲ୍ମରେ ଆଶୁତୋଷଙ୍କ ଅଭିନୟକୁ ଦର୍ଶକ ଆଜି ମଧ୍ୟ ମନେରଖିଛନ୍ତି ।

ଫିଲ୍ମ ସଂଘର୍ଷରେ ଅକ୍ଷୟ କୁମାର ଓ ପ୍ରୀତି ଜିଣ୍ଟା ମୁଖ୍ୟ ଭୂମିକାରେ ଅଭିନୟ କରିଥିଲେ । ଏହି ଫିଲ୍ମରେ ଆଶୁତୋଷ ଜଣେ କିନ୍ନର ଲଜ୍ଜା ଶଙ୍କର ପାଣ୍ଡେ ଚରିତ୍ରରେ ଅଭିନୟ କରିଥିଲେ । କାହାଣୀ ଅନୁସାରେ ସେ ଶିଶୁଙ୍କୁ ବଳି ଦେଇ ଅମର ହେବାକୁ ଚାହୁଁଥିଲା । ଏହି ଫିଲ୍ମରେ ଆଶୁତୋଷଙ୍କ ଦମଦାର ଅଭିନୟ ତାଙ୍କୁ ବଲିଉଡର ଜଣେ ପ୍ରତିଷ୍ଠିତ ଭିଲେନ ଭାବେ ପରିଚୟ ଦେଇଥିଲା । ଫିଲ୍ମରେ ଆଶୁତୋଷଙ୍କ ଗେଟ ଅପ ଠାରୁ ଆରମ୍ଭ କରି ତାଙ୍କ ଚରିତ୍ରକୁ ଏହିଭଳି ଦର୍ଶାଯାଇଥିଲା ଯେ ଲୋକଙ୍କ ଲୋମଟାଙ୍କୁରୀ ଉଠିଥିଲା । ଫିଲ୍ମରେ ମୁଖ୍ୟ ଚରିତ୍ରରେ ଅକ୍ଷୟ କୁମାର ଅଭିନୟ କରିଥିଲେ ସୁଦ୍ଧା ଫିଲ୍ମର ପୁରା କ୍ରେଡିଟ ଲଜ୍ଜା ଶଙ୍କର ପାଣ୍ଡେକୁ ମିଳିଥିଲା ।ମିଡ଼ିଆ ରିପୋର୍ଟ ଅନୁସାରେ, ସେତେବେଳେ ଆଶୁତୋଷ ହାଇଦ୍ରାବାଦରେ ଅକ୍ଷୟ କୁମାରଙ୍କ ସହ ‘ଜାନଵର୍’ ଫିଲ୍ମର ସୁଟିଂ କରୁଥିଲେ । ସେତେବେଳେ ମହେଶ ଭଟ୍ଟ ଦିନେ ତାଙ୍କୁ ଫୋନ୍ କରିଥିଲେ । ସେ କହିଥିଲେ ଯେ ସେ ଏକ ଫିଲ୍ମ କରିବାକୁ ଯାଉଛନ୍ତି ‘ସଂଘର୍ଷ’, ଯେଉଁଥିରେ ଭିଲେନର ଏକ ଚରିତ୍ର ଅଛି, ସେହି ଚରିତ୍ର ଠାରୁ ବଡ ଭିଲେନ୍ ଚରିତ୍ର ଆଜି ଯାଏଁ ହୋଇନି । କିନ୍ତୁ ଏହି ଚରିତ୍ର ମୁଁ ତୁମକୁ ଦେବିନି ଆଉ କାହାକୁ ଦେବି । ମହେଶ ଭଟ୍ଟଙ୍କ ଏହି କଥା ଶୁଣି ଆଶୁତୋଷ ଆର ଦିନ ଫ୍ଲାଇଟରେ ଚେମ୍ବୁରରେ ପହଞ୍ଚିଗଲେ ଯେଉଁଠାରେ ସେ ଏକ ଫିଲ୍ମର ସୁଟିଂ କରୁଥିଲେ । ଆଶୁତୋଷ ମହେଶ ଭଟ୍ଟଙ୍କୁ କହିଥିଲେ ଯେ, ‘ଆପଣ କହିଦିଅନ୍ତୁ ଯେ ମୁଁ ଭଲ ଅଭିନେତା ନୁହେଁ, କିମ୍ବା ଆପଣ ଯାହାକୁ ଏହି ଚରିତ୍ର ଦେବାକୁ ଚାହୁଁଛନ୍ତି ତା ସହ ମୋର ଏକ ଅଡିସନ୍ ନେଇଯାଆନ୍ତୁ । ଯଦି ଅଡିସନରେ ମୁଁ ସିଲେକ୍ଟ ନ ହୁଏ ତାହେଲେ ଆପଣ ମୋତେ ଖାରଜ୍ କରିଦେବେ ।’ ଆଶୁତୋଷଙ୍କ ଏହି କଥା ଶୁଣି ମହେଶ ଭଟ୍ଟ ହସିଲେ । କାରଣ ଏହି ଚରିତ୍ର ପାଇଁ ଆଶୁତୋଷଙ୍କୁ ସେ ପୂର୍ବରୁ ହିଁ ବାଛି ସାରିଥିଲେ । ସେ ତାଙ୍କୁ ସାକ୍ଷାତ କରିବାକୁ ଚାହୁଁଥିଲେ, ସେଥିପାଇଁ ଫୋନ କରି ଏହିସବୁ କଥା କହିଥିଲେ ।ମହେଶ ଭଟ୍ଟ ବହୁତ ଭଲ ଭାବେ ଜାଣିଥିଲେ ଯେ ଏହି ଚରିତ୍ର ଆଶୁତୋଷ ରାଣାଙ୍କ ଠାରୁ ଆଉ କେହି ବି ଭଲ କରିପାରିବେନି । ତାହା ହିଁ ହେଲା । ଆଶୁତୋଷ ଏହି ଚରିତ୍ର ବହୁତ ଭଲ କରିଥିଲେ ଓ ଫିଲ୍ମର ପୁରା କ୍ରେଡିଟ୍ ନେଇଥିଲେ । ସଂଘର୍ଷ ଫିଲ୍ମ ପରେ ଆଶୁତୋଷ ଆଉ କେବେ ପଛକୁ ବୁଲି ଦେଖିନଥିଲେ । ଲଗାତାର ଫିଲ୍ମ କରିଚାଲିଲେ । ବଲିଉଡରେ ସେ ନିଜର ଏକ ଅଲଗା ପରିଚୟ ସୃଷ୍ଟି କରିଛନ୍ତି ।