ଖେଳ

ୟୁଏଇରେ ପହଞ୍ଚିଲେ ଆଇପିଏଲର ବିଭିନ୍ନ ଫ୍ରାଞ୍ଚାଇଜ ଦଳର ଖେଳାଳୀ

ସତ୍ୟଶିଖା ( ନୂଆଦିଲ୍ଲୀ )  ୨୧ . ୦୮.୨୦୨୦ :  ଆଇପିଏଲ୍‍ ଖେଳିବା ପାଇଁ ୟୁନାଇଟେଡ୍‍ ଆରବ ଏମିରେଟ୍‍ସରେ ପହଞ୍ଚିଲେ କିଙ୍ଗ୍‌ସ ଏକାଦଶ ପଞ୍ଜାବ । ନୂଆଦିଲ୍ଲୀରୁ ଏକ ଚାର୍ଟଡ ବିମାନ ଯୋଗେ ଗୁରୁବାର କିଙ୍ଗ୍‌ସ  ଏକାଦଶ ପଞ୍ଜାବ ଦଳର ଖେଳାଳି, ସପୋର୍ଟ ଷ୍ଟାଫ୍‍ ଏବଂ ଅନ୍ୟ ଅଧିକାରୀ ଦୁବାଇରେ ପହଞ୍ଚିଛନ୍ତି । ପଞ୍ଜାବ ଦଳର ଫାଷ୍ଟବୋଲର ମହମ୍ମଦ ସାମି ବିମାନ ଭିତରର କିଛି ଫଟୋ ତାଙ୍କ ଇନ୍‍ଷ୍ଟାଗ୍ରାମ୍‍ ପୃଷ୍ଠାରେ ଛାଡ଼ିଛନ୍ତି । ଏଥିରେ ସାମି ଲେଖିଛନ୍ତି- ଅପ୍‍ନେ ମୁଣ୍ଡେ ଅଫ୍‍ ଦୁ ଦୁବାଇ (ଆମ ପିଲା ଦୁବାଇ ବାହାରିଲେ) । କେବଳ କିଙ୍ଗ୍‌ସ ଏକାଦଶ ପଞ୍ଜାବ ନୁହେଁ  ସର୍ବପ୍ରଥମ ଆଇପିଏଲ୍‍ରେ ଚମ୍ପିଆନ୍‍ ରାଜସ୍ଥାନ ରୟାଲ୍‍ସ ଦଳ ମଧ୍ୟ ଗୁରୁବାର ଅପରାହ୍ନରେ ୟୁଏଇରେ ପହଞ୍ଚିଛି । ରାଜସ୍ଥାନ ରୟାଲ୍‍ସ ପକ୍ଷରୁ ଟ୍ୱିଟର ଜରିଆରେ ତାଙ୍କ ଦଳର ଖେଳାଳି ଓ ସପୋର୍ଟ ଷ୍ଟାଫ୍‍ ହୋଟେଲ ରୁମ୍‍ ଛାଡ଼ି ବସରେ  ବସି ବିମାନ ବନ୍ଦର ଅଭିମୁଖେ ବାହାରିବାର ଫଟୋ ଛାଡ଼ିଛନ୍ତି । ଦଳର ସମସ୍ତ ଖେଳାଳି ଓ ସପୋର୍ଟ ଷ୍ଟାଫ୍‍ଙ୍କର ୨ ରାଉଣ୍ଡ କୋଭିଡ୍‍ ପରୀକ୍ଷା ହୋଇଛି । ସମସ୍ତ ଖେଳାଳିଙ୍କ ଉଭୟ ରିପୋର୍ଟ ନେଗେଟିଭ୍‍ ଆସିବା ପରେ ସେମାନଙ୍କୁ ବିମାନ ଚଢ଼ିବାର ଅନୁମତି ମିଳିଥିଲା ।

Show More
Back to top button