ସତ୍ୟଶିଖା ୩୦ .୦୮.୨୦୨୦ : ସାରା ବିଶ୍ଵରେ ହୁ ହୁ ହୋଇ ମାଡ଼ି ଚାଲିଛି ମହାମାରୀ କରୋନା । ବିଶ୍ଵରେ କରୋନା ସଂକ୍ରମିତଙ୍କ ସଂଖ୍ୟା ୨ କୋଟି ୫୧ ଲକ୍ଷ ୫୫ ହଜାର ୬୮୧ରେ ପହଞ୍ଚିଥିବା ବେଳେ ୮ ଲକ୍ଷ ୪୫ ହଜାର ୯୫୬ ଜଣଙ୍କର ମୃତ୍ୟୁ ହୋଇଛି । ସେହିପରି କୋଟିଏ ୭୪ ଲକ୍ଷ ୯୯ ହଜାର ୫୫୩ ଜଣ ସୁସ୍ଥ ହୋଇଥିବା ବେଳେ ୬୮ ଲକ୍ଷ ୧୦ ହଜାର ୧୭୨ ଜଣ ସକ୍ରିୟ ସଂକ୍ରମିତ ଅଛନ୍ତି । ସେହିପରି ୬୧ ହଜାର ୨୫୩ ଜଣ ରୋଗୀଙ୍କ ଅବସ୍ଥା ସଙ୍କଟାପନ୍ନ ରହିଛି ।
ସାରା ବିଶ୍ଵରେ ବ୍ୟାପିଥିବା ଏହି ମହାମାରୀରେ ଅଧିକ ପ୍ରଭାବିତ ଯୁକ୍ତରାଷ୍ଟ୍ର ଆମେରିକା ହୋଇଛି। ଆମେରିକାରେ ୬୧ ଲକ୍ଷ ୩୮ ହଜାର ୬୮ ହଜାର ୯୭୭ଜଣ ସଂକ୍ରମିତ ହୋଇଥିବା ବେଳେ ୧ ଲକ୍ଷ ୮୬ ହଜାର ୮୫୫ ଜଣଙ୍କର ମୃତ୍ୟୁ ହୋଇଛି । ମୋଟ ୩୪ ଲକ୍ଷ ୮ ହଜାର ୭୬୦ ଜଣ ସୁସ୍ଥ ହୋଇଥିବା ବେଳେ ୨୫ ଲକ୍ଷ ୪୩ ହଜାର ୩୬୨ ଜଣ ସକ୍ରିୟ ସଂକ୍ରମିତ ଅଛନ୍ତି । ସେମାନଙ୍କ ମଧ୍ୟରୁ ୧୬ ହଜାର ୨୫ଜଣଙ୍କ ଅବସ୍ଥା ସଙ୍କଟାପନ୍ନ ରହିଛି ।
