ଅଭିନେତ୍ରୀ ୟାମୀ ଗୌତମଙ୍କୁ ପ୍ରଶଂସକଙ୍କ ପ୍ରଶ୍ନଆପଣ ଡ୍ରଗ୍ସ ନେଉଛନ୍ତି କି?

ସତ୍ୟଶିଖା (ମୁମ୍ବାଇ) ୧୨.୧୦.୨୦୨୦ : ୟାମୀ ଏବେ ସୁଦ୍ଧା ଅନେକ ଦମଦାର ଫିଲ୍ମରେ କାମ କରି ସାରିଛନ୍ତି । ୟାମୀ ଛୋଟ ପରଦାରୁ ନିଜ କ୍ୟାରିୟର ଆରମ୍ଭ କରିଥିଲେ,କିନ୍ତୁ ଏବେ ସେ ବଡ଼ ପରଦାରେ ମଧ୍ୟ ଉଭା ହୋଇ ସାରିଛନ୍ତି । ୟାମୀ ଗୌତମଙ୍କ ‘ଗିନ୍ନି ୱେଡ୍ସସ୍ ସନ୍ନି’ ନିକଟରେ ରିଲିଜ ହୋଇଛି । ଏହି ଫିଲ୍ମକୁ ମିଶ୍ରିତ ରିଭ୍ୟୁ ମିଳିଛି । କିନ୍ତୁ ୟାମୀଙ୍କ ପରଫର୍ମାନ୍ସର ମଧ୍ୟ ଖୁବ୍ ତାରିଫ ହେଉଛି ।ୟାମୀ ଏହି ଫିଲ୍ମ ରିଲିଜ ହେବା ପରେ ଟ୍ୱିଟରରେ ପ୍ରଶଂସକଙ୍କ ପାଇଁ ହ୍ୟାଶଟ୍ୟାଗ୍ ଆସ୍କ ଭାଇଜୀ ସେସନ ରଖିଥିଲେ । ଏଥିରେ ପ୍ରଶଂସକମାନେ ଯାମୀଙ୍କୁ ଅନେକ ଚମତ୍କାର ପ୍ରଶ୍ନ ପଚାରିଥିଲେ । ତାଙ୍କୁ ଡ୍ରଗ୍ସ ନେବା ସମ୍ବନ୍ଧୀୟ ଏକ ପ୍ରଶ୍ନ ପଚରାଯାଇଥିଲା । ଗତ କିଛି ଦିନରୁ ଡ୍ରଗ୍ସ ବ୍ୟବହାର ଉପରେ ଖୁବ୍ ଚର୍ଚ୍ଚା ଚାଲିଛି । ଲୋକଙ୍କ ମତରେ କେତେକ ବଲିଉଡ ଷ୍ଟାର ମଧ୍ୟ ଡ୍ରଗ୍ସ ନିଅନ୍ତି । ଥରେ ପ୍ରଶଂସକ ଯାମୀଙ୍କୁ ପ୍ରଶ୍ନ କରିଥିଲେ ଯେ ସେ ଡ୍ରଗ୍ସ ନିଅନ୍ତି କି? ସେ ପଚାରିଥିଲେ ଯେ ଓପନ ପ୍ଲାଟଫର୍ମରେ ଏପରି ପ୍ରଶ୍ନ ପଚାରିବା ବୋକାମି ହୋଇପାରେ,କିନ୍ତୁ ଯଦି ଆପଣ ଡ୍ରଗ୍ସ ନିଅନ୍ତି ତେବେ ତାଙ୍କ ମନ ଭାଙ୍ଗିଯିବ ।ନିଜ ପ୍ରଶଂସକଙ୍କ ପାଇଁ କହି ଦିଅନ୍ତୁ ଯେ ସେ ଡ୍ରଗ୍ସ ନିଅନ୍ତି ନାହିଁ । ଏହାର ଉତ୍ତରରେ ଯାମୀ କହିଥିଲେ ଯେ,‘ସେ ଡ୍ରଗ୍ସ ନିଅନ୍ତି ନାହିଁ,ସେ ଏହାର କଡ଼ା ବିରୋଧ କରନ୍ତି । ଏହି ସେସନରେ ତାଙ୍କର କିଛି ପ୍ରଶଂସକମାନେ ତାଙ୍କ ପ୍ରିୟ ଫିଲ୍ମ ବିଷୟରେ ପଚାରିବାରୁ ୟାମୀ ‘ଉରି ଦ ସର୍ଜିକାଲ ଷ୍ଟ୍ରାଇକ୍ କହିଥିଲେ । ୟାମୀ ,ମହେନ୍ଦ୍ର ସିଂହ ଧୋନି ଏବଂ ରାହୁଲ ଦ୍ରାବିଡ଼ଙ୍କୁ ତାଙ୍କ ପ୍ରିୟ କ୍ରିକେଟର ବୋଲି କହିଥିଲେ । ପାପଡ଼ି ଚାଟକୁ ପ୍ରିୟ ଷ୍ଟ୍ରିଟ୍ ଫୁଡ ବୋଲି କହିଥିଲେ ।