SIT ସ୍କାନରରେ ଅର୍ଚ୍ଚନା ନାଗ, ଇଡିକୁ ମାଗିଲା ରିପୋର୍ଟ

ଆସନ୍ତା ୧୩ ତାରିଖରେ ଦିଲ୍ଲୀରେ ଜଷ୍ଟିସ ଅରିଜିତ ପଶାୟତଙ୍କ ଅଧ୍ୟକ୍ଷତାରେ ବସିବ ଏସ୍ଆଇଟି ବୈଠକ । ଉକ୍ତ ବୈଠକରେ ଅର୍ଚ୍ଚନାଙ୍କ ବେଆଇନ୍ ଅର୍ଥ କାରବାର ଉପରେ ଆଲୋଚନା ହେବ ବୋଲି ସୂଚନା ମିଳିଛି ।ହନିଟ୍ରାପରେ ବଡ଼ବଡ଼ିଆଙ୍କୁ ଫଶାଇ କୋଟି କୋଟି ଟଙ୍କା ରୋଜଗାର କରିଥିବା ଲେଡି ବ୍ଲାକମେକର ଅର୍ଚ୍ଚନା ନାଗଙ୍କ ଅସୁବିଧା ଦିନକୁ ଦିନ ବଢ଼ିବାରେ ଲାଗିଛି। ଜଣେ ଯୁବତୀ ତଥା ଓଡ଼ିଆ ଫିଲ୍ମ ପ୍ରଡ୍ୟୁସରଙ୍କ ଅଭିଯୋଗକ୍ରମେ କମିଶନରେଟ ପୁଲିସ୍‌ ଦ୍ୱାରା ବନ୍ଧା ହୋଇ ଝାରପଡ଼ା ଜେଲ୍‌ରେ ଥିବା ଅର୍ଚ୍ଚନାଙ୍କ ମାମଲାକୁ ଇଡି ନିଜ ହାତକୁ ନେଇଥିଲା। ହେଲେ ଏବେ ତାଙ୍କୁ ଘାଣ୍ଟିବାକୁ ଅଣ୍ଟା ଭିଡ଼ିଲାଣି SIT  ।

କେବଳ ସେତିକି ନୁହେଁ, ବ୍ଲାକମେଲିଂ ଅଭିଯୋଗ ଆଣି ଅର୍ଚ୍ଚନାଙ୍କ ବିରୋଧରେ ଖଣ୍ଡଗିରି ଥାନାରେ ଏତଲା ଦେଇଥିବା ପୀଡ଼ିତାଙ୍କ କଟକ ସ୍ଥିତ ବାଙ୍କି ଘରେ ମଧ୍ୟ ଇଡି ଚଢ଼ଉ କରିଛି। ତେବେ ଚଢ଼ଉ ବେଳେ କୌଣସି ସ୍ଥାନରେ ଅର୍ଚ୍ଚନା କିମ୍ବା ସ୍ୱାମୀ ଜଗବନ୍ଧୁଙ୍କ ନିକଟ ସଂପର୍କିୟଙ୍କ ପତ୍ତା ପାଇନଥିଲା ଇଡି।