ସତ୍ୟଶିଖା ୨୬/୧୨/୨୦୨୦ : ପୁଣି ଏକ ଶିଶୁ ନିଖୋଜ । ଯାଜପୁର ଜିଲ୍ଲା ବିଞ୍ଝାରପୁରରେ ପିହୁ ଅପହରଣ ପରେ ଏବେ ଜିଲ୍ଲାରେ ଆଉ ଏକ ଶିଶୁ ପୁତ୍ର ନିଖୋଜ ହୋଇଛି । ଚଣ୍ଡିଖୋଲ ନିକଟ ଆଦିବାସୀ ବସ୍ତିରୁ ଚାରି ବର୍ଷର ଶିଶୁପୁତ୍ର ଚିଣ୍ଟୁ ନିଖୋଜ ହୋଇଛି ।
ଖବର ଅନୁଯାୟୀ, ଗୁରୁବାର ଦିନ ଘର ବାହାରେ ବୁଲାବୁଲି କରୁଥିଲା ଚିଣ୍ଟୁ । ହଠାତ୍ ଅପରାହ୍ନ ୫ଟା ସମୟରୁ ସେ ନିଖୋଜ ହୋଇଯାଇଥିଲା । ବହୁ ଖୋଜାଖୋଜି ପରେ ବି କୌଣସି ଖବର ମିଳିନଥିଲା । ପରିବାର ଲୋକେ ବହୁ ଆଡେ ଖୋଜା ଖୋଜି ପରେ ଶିଶୁ ପୁତ୍ରର ସୂଚନା ନମିଳିବାରୁ ଧାନମଣ୍ଡଳ ଫାଣ୍ଡିରେ ଲିଖିତ ଅଭିଯୋଗ କରିଥିଲେ । ପରିବାର ପକ୍ଷରୁ ଅଭିଯୋଗ ପରେ ଧାନମଣ୍ଡଳ ଫାଣ୍ଡି ଓ ବଡଚଣା ଥାନା ପୋଲିସ ତଦନ୍ତ ଆରମ୍ଭ କରିଥିଲା ।
ତେବେ ବର୍ତ୍ତମାନ ସୁଦ୍ଧା ଘଟଣାକୁ ୩ଦିନ ବିତିଯାଇଥିଲେ ମଧ୍ୟ ଶିଶୁପୁତ୍ରକୁ କୌଣସି ଖୋଜଖବର ମିଳିନାହିଁ । ଚିଣ୍ଟୁର ପିତା ରାମ ଜଜ ଜଣେ ଦିନ ମଜୁରିଆ ଭାବେ ପରିବାର ଚଳାଉଥିବା ବେଳେ , ଏବେ ପୁଅର ନିଖୋଜ ଖବରରରେ ପୁରା ପରିବାର ଲୋକେ ଭାଙ୍ଗି ପଡିଛନ୍ତି । ରାଜ୍ୟରେ ଗତକିଛି ଦିନ ହେଲା ଗୋଟିଏ ପରେ ଗୋଟିଏ ଶିଶୁ ନିଖୋଜ ହୋଇଚାଲିଛନ୍ତି । ରାଜ୍ୟରେ ଶିଶୁଙ୍କ ସୁରକ୍ଷା ନେଇ ଅନେକ ପ୍ରଶ୍ନବାଚୀ ସୃଷ୍ଟି କରିଛି । ଖୁବଶୀଘ୍ର ନିଖୋଜ ଶିଶୁପୁତ୍ରକୁ ଉଦ୍ଧାର କରାଯିବ ବୋଲି ଥାନା ଅଧିକାରୀ କହିଛନ୍ତି ।
